故事一：殭屍之城: 十三：聖誕迪士尼•下編

雖然呢度好熱鬧，但我彷彿好似聽到自己嘅心跳咁。

係啦，佢同我表白㗎嘛，我先係答覆嗰個，洗乜驚呢。係啦，大膽小小...拖佢隻手啦！

［左手慢慢接近佢嘅右手......掂到嘅時候佢好似受咗驚咁...縮咗、我亦即刻將雙手放喺背後」

啊！好尷尬呀！！！快啲俾個窿我跳落去啦！

呢個時候，佢主要拖住我，將我隻手從後，拉返嚟我哋兩個中間。





倩瑜：「你塊面咁紅嘅～」「你...因為...我...呀...」講嘢留晒口、語無倫次。

倩瑜：「鍾意我吖嘛～睇到晒啦」我隻手好似冇晒知覺咁，成個人挑空晒。

完全唔知講咩好...「係啦」倩瑜：「嗯？」「你敢唔敢玩呢個過山車㗎？」倩瑜：「唔係凌空，黐住地面嘅我OK嘅～」「好」

［灰熊山谷極速礦車］
［拖住手坐喺頭位］「緊唔緊張呀？」倩瑜：「小小啦」

倩瑜：「啊！」佢捉我緊手好實。倩瑜：「我要再玩多次！」迷上咗？？「好嘅～」





我哋經過城堡去到明日世界，玩「星戰」呢度室內、夠黑，我幾鍾意呢個環境、但倩瑜始終有啲怕黑。

出到嚟，見到芊雪喺隔離個台上面，同成班小朋友拎住支「激光劍」。傑洛德喺下面幫佢拍片。

我行埋去拍一拍佢膊頭「喂，你好呀」傑洛德嚇咗一嚇：「嘩...喂」佢哋見到我同倩瑜拖住手。傑洛德陰笑：「衰鬼～」

「都好多人喎」傑洛德：「還好啦，我好耐冇見過有咁多人lol」「睇嚟平行世界都好嚴重下喎...」

［a few moments later］




芊雪：「哥哥～」「有冇麻煩到人呀～」芊雪：「緊係冇啦～係咪呀傑洛德哥哥～」傑洛德：「喺～」

我哋四個再次同行
「你哋有冇咩未玩呀」芊雪：「唔...迪士尼有啲細...」傑洛德：「好啦～我帶你哋去一次平行世界啦，嗰個迪士尼多啲野玩㗎」「咪住呀，你唔係話平行世界...」傑洛德：「放心啦，我會帶你哋去個安全嘅平行世界」「好啦」

傑洛德伸出右手、手掌朝下...出現一個紫色圓形魔法陣，魔法陣落地、由細變大。我哋四個人都喺魔法陣入面......魔法陣由下而上穿過我哋。

「咩都冇發生嘅？」傑洛德：「我哋已經穿越咗啦，只係另一個世界嘅同一個位置」「你帶路啦」

［鐵甲奇俠飛行之旅］
點做到㗎！？喺室內，但就好似飛咗出去咁，好正呀！！！

［蟻俠與黃鋒女］
呢度同巴斯光年差唔多。





［魔法書房］
依一埸音樂劇，最尾仲有芊雪最鍾意嘅Elsa，佢都幾鍾意，但我睇到有啲眼瞓，不過佢鍾意冇計啦。

［童話園林］
喺日落嘅時候去咗迪士尼故事嘅森林，講白啲即係影相區。係芊雪同倩瑜嘅世界，影相影相＋再影相。

待續