天開始黑,我哋已經去搵好位睇埋個花車巡遊同煙花。

[離開路上]
倩瑜拖住芊雪,兩個喺前面開心咁傾偈。我同傑洛德喺後面「係啦,你係咪可以穿越所有平行世界㗎?」

傑洛德:「如果要特定嘅話就要以前去過,其他都係隨機」「你仲識其他魔法?」

傑洛德:「我只識幾種,主要係傳送丶空間同火印。傳送係同平行世界嘅你留低嘅筆記學嘅、而火印就係發出火同令敵人燃燒嘅魔法」

「原來係咁」傑洛德:「好啦,我哋返去啦」倩瑜同芊雪行過嚟。





傑洛德伸出右手、手掌朝下...呢個時候,一個跑緊嘅小朋友撞到傑洛德。傑洛德:「啊!」我、傑洛德、倩瑜同芊雪分開咗。

傑洛德手掌嘅紫色圓形魔法陣。魔法陣落地、由細變大,魔法陣由下而上,只穿過我......[合埋眼]

再開返眼,我俾眼前嘅影像嚇親......頹垣敗瓦嘅建築,迪士尼嘅標誌性城堡崩壞咗好多個位置。

樹木被燒成灰枝、仲有啲草係着緊火。滿地狼藉、瞓係地下冇頭/手/腳嘅屍體多到......

跟住鐵路走咗幾個鐘,雖然出到城市,但我已經冇晒力。





城市已經變得殘破不堪,人間地獄一樣嘅世界......

俯視下面嘅街道,只係一大堆跳嚟跳去嘅殭屍、冇頭/手/腳嘅屍體、一架架燃燒緊嘅車輛、破爛嘅大廈、有一棟仲插住咗架直升機。

到現時為止仲未見到一個活人。我玩咗成日,已經冇晒力。

依家嘅鐵路上面應該冇事,就係度瞓一晚。

[第二日]




早上嘅時候冇咩殭屍,我經月台出返去。去咗間百佳,入面已經冇咩貨物喺度。大概係災難爆發前嘅搶貨。

睇嚟呢個世界就係傑洛德原本所身處嘅世界,怪唔得佢咁犀利都搞唔掂......

入貨倉拎咗兩盒杯面沖嚟食,總算有啲嘢落肚。

搵咗㗎比較冇咁殘嘅的士,開GPS返屋企。

就算生存,去返自己比較熟嘅地方都易啲嘅。

大概用咗個半鐘摸索大摡點開車,用多個半點鐘左右就返到屋企附近。

好彩屋企同南昌距離唔遠,我平時又有去開,喺巴士有認熟路。

鎖匙開到門,入面封哂塵,睇嚟好耐冇人嚟過。





依家先中午,落街搵下物資。

[甲家]
擅闖民居係唔啱嘅,但呢種情況唔同。我玩緊真人版生化危機,你最好留啲好嘢喺屋企。

呢個人屋企成屋都係中國嘅嘢,客廳仲有張毛澤東畫像、最有用係罐中國軍糧-90壓縮餅。

待繼
已有 0 人追稿