「好大呀!」佢忘我地把玩着。雖然我唔係恐同,但作爲異性戀,真係好難接受到一個男人喺度摸緊自己條啫囉!真係慘不忍睹呀! 

我合埋對眼,有啲忟咁講:「你玩撚夠未呀!」 佢即刻色眯眯咁望住我,「睇嚟中佬真係有佢特別嘅魅力㗎喎!平時啲玩開嘅後生仔原來少咁嘅就喺嗰浸陽剛味啊!你迷人嘅鬚根,稀疏嘅頭髮,茂盛嘅腳毛,再加埋圓碌碌嘅肚腩仔,真係man得嚟又不失一點可愛呀!」 

「癡撚線!你即刻同我收聲!」我喝住佢,好似當日我喝住嗰個唔知叫乜名嘅雞咁。

 「把聲都好有磁性,仲特別有中氣添呀!睇埋呀小細佬,睇嚟你平日都好勤力咁做緊運動喎,牀上嗰隻!」 

「係呀!我日日食女無數,佢就梗係有朝氣啦!你再講就食埋你添!」我唔掙在將自己縱橫江湖嘅事話俾佢知,兇下佢咁。



唔好誤會呀,我唔鍾意玩仔㗎好冇?


 「知你勁喇!我唔搞你囉呀sir! 你着翻好啲衫就同我一齊擡走老細啦!」佢解開手扣。 

我好快着好衫,同佢一齊執翻好個辦公室,就急急腳擡住副校走人。 

嗰時已經係十點,學校所有嘅燈都已經閂嗮,我又諗起班學生成日講嘅學校鬼故,話天台有個好叻嘅女學生自殺,只要學校一冇嗮人,佢就會喺課室溫書喎。

望住空無一人嘅走廊,真係有啲玩恐怖game 嘅 feel。
 



「劉sir! 呢邊呀!我識條祕密通道可以唔經過CCTV咁走!」佢好似好熟手咁指住平時冇乜老師行嘅後門,一路行去學校後山。 

呢間香城女高中座落喺九龍塘筆架山隔離,而後面正正就係通往獅子山郊野公園嘅叢林。 

助理用口擔住支電筒,而我哋兩人就小心翼翼咁避開所有樹咁喺陡峭嘅樹林行走。 
已有 0 人追稿