「行多十米就到郊野公園嘅小徑,即係平路喇 」佢仲擔住支電筒,𠺫埋一舊咁講嘢。 

終於,我哋到咗小徑,而100米外就泊住副校㗎寶馬。

 「你揸副校㗎車過嚟㗎?」 

「嗯!我有埋佢屋企鎖匙添!你要唔要呀!」 

「你都癡線㗎!」 好不容易,我哋身水身汗咁台住副校落架車到。



「喂!反正都嚟咗,唔掙在車埋我啦!」
 

「好!不過我要你幫手帶埋副校上佢屋企喎!」 

「唔係唔得嘅.......」叫我一下子知道副校咁多嘢,好似唔多好喎。

 揸咗五分鐘,我哋到咗副校嘅住處又一居。

雖然又一居喺九龍塘只係屬於中價樓,但佢先得一個人住,都已經係極奢華啦!




 「登凳鄧凳——」門外嘅智能門鎖一閂門就播啲咁嘅聲。

 入到去副校間屋,就見到嗰啲有錢人最鍾意嘅摩登設計。純白色嘅牆,加埋黑灰色調嘅玻璃檯凳,凍冰冰嘅瓷磚地,上面鋪住塊灰色毛地氊,冇任何多餘嘅飾物同櫃,睇落格外整齊。 

我哋像副校一路搬到入佢間房嘅牀到,點知入到去又係另一番景象。

間房嘅牆油嗮做粉紅色,純白色蕾絲邊嘅大牀擺滿咗十隻以上嘅hello kitty, 書櫃入面亦都放滿咗唔同sanrio公仔嘅figure,一幻想起 副校嗰隻阿婆死魚眼好有愛咁望住啲咁有少女心嘅公仔,我就真係想嘔喇!
 
已有 0 人追稿