「比啲公仔嚇親呢?老細佢係超級sanrio 迷嚟㗎,佢儲埋儲埋啲公仔多到要放入迷你倉添!」 

「你知你老細咁多嘢唔覺得會接受唔到㗎咩?」比着係我就真係寧願自己乜嘢都唔知。 

「咁我其實唔單只係佢私人助理咁簡單嘅,不過你唔需要知。你今日已經知得太多嘢喇!」 

「是但啦,我冇興趣知!我剩係想知係咪可以車埋我走呀?」 

「sorry!唔記得副校要我泊㗎車係樓下,都係費時兜多轉喇!你自己搭的士啦!」佢喺副校手袋裏面攞咗個銀包出嚟,比咗張五百蚊我。 



「頂!昆我嚟幫你執屍?嗮多咗我成粒鐘呀!我聽日仲要返工㗎!」咁我又未到好嬲嘅,話嗮呢到搭翻屋企淨係要四五十蚊,都仲有四百五十蚊剩,好過冇啦。 

「比咗錢你咪算囉!by the way, 呢500蚊包埋你今日嘅肉體賠償金嘅,見你話自己唔係自願咪施捨多啲錢比你囉!」 

「你當我係咩呀?鴨呀?都費時同你講嘢,嘥鳩氣!」平時對住女呼風喚雨嘅我,都有比人當鴨嘅一日。

 我嬲爆爆咁離開咗間屋,自己攞住張500蚊去咗樓下搭通宵巴士,慳返的士錢。 

上到巴士上層,已經係12點。我攞住張500蚊,望住個窗。唔通我淨係值500蚊,仲cheap 過啲雞咩? 
已有 0 人追稿