我中出咗副校: 40. 夜生活

「哈哈哈下啊哈！你呃撚緊佢啲錢㗎咋？」副校啲咁嘅阿婆要搵戀愛顧問？有無dry 成咁呀！

「邊係呃啫，我份約清楚寫明我喺可以有喺學校以外嘅工作，同你地嘅老師約唔同㗎！佢自己心甘情願用私人名義畀錢我有咩問題呀？」佢嗰副串到爆嘅嘴臉，真係令人想見一鑊打一鑊。

「是但啦，總之你幫住佢都係想收兩份糧啫，呢啲嘢我冇興趣知。」

「咁您想唔想知點解嗰日嘅事究竟係點安排吖？哼哼！」佢最尾嗰兩個哼哼升高咗成個八度，簡直係駭人至極。

「唔使審都係你搞㗎啦！如果呢到唔係你地頭，我應該扑濕咗你個頭喇。」講完呢句，成個bar 嘅人真係會望住我，好似我挑佢哋機咁。

​「okay! 我講笑㗎咋！邊夠膽喺各位大佬嘅場到搞事啫！」我客氣地笑住，完全唔夠膽得罪眼前嘅大隻佬們。

「宜家幾好呀！你睇下宜家副校幾滿意你？佢對上幾任都唔係咁㗎！你又有得升職，副校又happy，咁咪係雙贏局面囉！」

「你都傻嘅，要搵sp 咪自己去D2V 配對囉，做咩要喺公司搞下屬啫！」係對話間，我不忘宣傳下嘔心瀝血製成嘅tg bot。

「你就傻喇，要係下屬，先可以確保佢哋夠忠心，唔會爆佢大鑊㗎嘛！去街外玩好容易出事㗎！」佢語重心長咁講，好似教緊細佬做嘢咁。

「咪住先，你話有前幾任嘅？佢哋點樣走㗎？」我一早收到風自己會升職，所以我對呢樣嘢並唔感到意外，只係想擺脫副校啫。



「你唔使諗喇，四個都係副校親自炒㗎，無人自己走到㗎。」佢用住奸邪中帶點淫褻嘅笑容講。

「但呢啲盡其量都係sp 咋喎，同你戀愛顧問呢個頭銜似乎有啲相差喎！

「是但啦！總之你會有方法解決㗎喇！我信嗮你㗎喇喎！」佢將手上嘅SD Card 放咗喺檯到，比完錢就走咗喇。

要匿名散播黑材料呢啲就唔係咁難嘅啫，爭在點樣做嘅啫。

「喂！靚仔！點稱呼你呀？」正當我想走嗰陣，咁快就有兩個大隻佬走埋嚟搭訕喇。



我快趣地離開，就獨自一人遊走喺無人嘅街道。街道上雖然仲有幾間酒吧仲係好熱鬧，但整體上仍然予人一種空虛冷清嘅感覺。

反正聽日又唔使上堂，所以我就獨自喺無人嘅尖沙咀到遊走。

沿住彌敦道，我去咗美麗華嘅donki， 亦係深夜嘅尖沙咀除咗酒吧以外唯一熱鬧嘅地方。

「don don don donki」煩人嘅音樂爲謐謐嘅晚上帶來一點熱鬧。

「bb 豬，呢個公仔好得意呀！」某個ex 嘅嗓音喺我腦海響起，回放住當時同佢一齊去日本旅行嘅情形。

幾好呀，宜家啲情侶唔使去日本就可以去donki 掃貨，應該慳返唔少錢。當然啦，單身先係最慳錢嘅。

喺買咗一罐日本啤酒之後，我就離開咗呢間深夜都多人到不得了嘅日本嘢。

呷住啖爽口嘅日本啤酒，我沿住加連威老道，轉向金巴利道，就一路沿住陡峭嘅天文臺道行。



點解要去呢條街？我都唔知點解㗎，可能係去啲有錢人地方，就當自己係有錢人啩。

望住一街嘅寶馬，波子， tesla，maserati，搞到我都有啲心痕想買車添。

可惜呀，我又唔想嘥咁多錢買車交車位租，反正自己都冇女要車㗎喇。

就喺我閒逛之際，一對熟悉嘅黑絲重現喺眼前。