我中出咗副校: 56. 狗衝去做

「冇，都係舉手之勞啫，咁啱我喺附近經過，又見到附近有啲可疑嘅人，所以先幫下手啫。」你條仔嚇親我就真。

「咦？咁呀......啫係我前男朋友有無打比你呀？」提起佢個ex, 佢眼眸中閃過一下痛苦。

「誒......好似有呀，不過都係關心下你啫，冇乜嘢嘅。」

「真係唔好意思呀，佢份人係咁麻煩㗎喇，所以我都冇再同佢聯絡喇。」

「唔緊要啦，不過你唔介意我多口問一句，佢係咪有你身邊嘅人啲電話㗎？因爲佢係打比我手提，就唔係你手提。」



「吓？係咩？雖然佢又真係管得我好嚴，不過我都唔知原來佢咁誇張，不過佢而家應該唔會再搵嚟㗎喇，真係好對唔住呀。」佢即刻垂頭喪氣咁低住頭道歉。

「你又唔使咁嘅，過咗去嘅事就由佢啦，我哋食嘢先啦。」提起人地啲傷心事真係唔係太好。

食物咁啱得咁橋地送到，我哋嗌咗碟魚生拼盤，串燒拼盤，每人再有多個牛丼，完全唔似係佢一個女仔會食得落嘅份量。

正所謂食不言，寢不語，我哋食嗰陣都冇特別交流，只係低頭食，而我當然有間唔中望下佢食飯嗰個樣。

佢好似個滿足嘅小朋友咁趙住舊串燒，眼神洋溢住幸福嘅感覺，嘴角仲有少少污糟咗添。



我真係好想可以攞張紙巾幫佢抹嘴，只不過我連望住佢都唔夠膽。

就喺呢個moment，佢自己諗住攞紙巾抹嘴。機會嚟啦，飛雲！

我先佢一步，比咗張紙巾佢。

「唔該曬。」佢只係有禮貌咁講。

驟眼睇，佢好似冇咩反應，但係喺檯底下，佢隻腳唔知有心定無意咁輕輕掃咗落我隻腳到。



我整個人即刻有觸電嘅感覺，巨龍亦被此舉喚醒，頃刻抬起頭來。

癡線㗎，明明細佬久經訓練，應該冇咁易自己亂咁郁之真㗎，有乜理由宜家少少嘢就郁得咁犀利。

食完飯，我哋亦都講多咗嘢。

「你平時有啲咩做㗎？」佢問。

「誒......都係寫下programme, 睇吓波咁，我份人好悶㗎咋。你呢？」

「哦！我平時都係行吓山呀，跑下步咁，都係冇乜特別㗎咋，買嘢嗰啲我又冇咩興趣嘅。」怪不得佢即使係癡住校長嗰邊，都無好似班豬扒咁成身名牌扮嗮蟹啦。

講開又講，佢明明咁靚女，但平時喺office 又唔多social， 仲要冇好似班豬扒咁出嚟姣人，究竟呢股清泉係點喺嗰班人到生存嘅呢？

亦都難怪佢膚色唔算太白，仲有對唔係太骨感，但又線條分明嘅美腿啦。



「幾好呀，做運動幾好呀，唔似得我咁。」

「唔係呀，我見你上年都有做學校足球比賽嘅評審呀。你以前踢開波㗎？」

「哦！係呀，不過都係後生時嘅事喇。」自從出咗嚟做嘢，個人越嚟越摺之後，仲有幾可可以一班人出嚟踢波呀。

「做運動呢啲嘢邊有講幾耐之前㗎！計我話呢，八十歲都應該要做運動嘅！健康好緊要㗎嘛！」

「咁都係嘅。」唔知俾佢講一講完之後，我就非常有動力想去踢翻波喇。

佢講完之後，我即刻喺冇幾耐之前開嘅whatsapp group 問下其餘四大天王佢哋踢唔踢波。

點解去到宜家，啲女仔叫我做乜，我都會仆出去做嘅呢？