我中出咗副校: 57.掙埋單環節

死喇，冇理由咁快沉船㗎，我都係同佢有短暫嘅交流啫，更何況佢呢啲後生女唔啱我。

應該唔係嘅，一秒就有反應嗰啲應該係生理反應，心理嘅傾慕係需要時間培養嘅，自己應該純粹係j 緊人啫。

試諗吓，你會j 咗個女優先定係鍾意咗個女優先吖？

是但啦，我應該係純粹意識到運動嘅重要性啫，唔關佢出聲事。爲咗合理化整個行爲，我都只好咁樣向自己解釋。

不知不覺間，臺上嘅食物已經被清空，而佢亦都喺度好悠閒咁抹嘴。



作爲一個優雅嘅淑女，佢當然冇大大力咁捽個嘴，而係好似蜻蜓點水般印下個嘴角。

佢今日冇好似嗰日咁搽到個嘴好似流血咁紅咁乾，而只係搽咗啲潤脣膏。

粉嫩嘅嘴脣加上潤脣膏嘅光澤，雙脣隨住用紙巾印嘅呢個動作而有彈性地郁動，令人想入非非。

佢目光放咗喺張臺上面，所以並無留意到我𥄫住佢抹嘴咁變態。

定係佢真係察覺到，只係唔想用口講呢？



臺下嗰對翹住嘅長腿再次撩過嚟，引誘人去睇佢隻腳上面緊閉嘅部分。

佢呢個衰妹，勾引我吖喇？

佢連對方嘅感情狀況都唔知，就亂咁勾引人，估唔到佢平時斯斯文文，心底裏淫到出汁喎！

「賣單吖唔該！」佢竟然搶咗個賣單嘅機會。

咁啫係落我面啫！



「我畀啦，當係多謝你上次送我返屋企。」

「唔使，嗰啲係小事嚟嘅啫！我加咗人工，應該我請先係㗎嘛！」

佢見到我咁堅持，當然都好識做咁讓咗張單比我嘅，話嗮兩條友都食咗大嗱嗱六舊水，就算我宜家人工咁高都覺得有啲唔抵。

出到門口，佢就即刻望住個電話，唔知做緊啲乜。

正當我打算問佢去邊度搭車嗰陣，佢就已經搶先答咗我。

「吖！我有啲趕時間吖，都係搭的士走先！」

唔知係咪個天整定，餐廳出面竟然就有個好多的士嘅的士站，搞到我淨係趕得切講拜拜兩隻字就已經目送佢㗎車離開。

頂！雖然我唔諗住進取到送佢返屋企啫，但至少都比我陪佢一切等吓車吖！