我中出咗副校: 95. 一齊嚟？

自己負責嗰班又要考DSE，其他嗰啲低form 嘅班又冇咩好搞，我都覺得生活乏味咗好多，每日上堂淨係出卷，讀稿噉，冇嗮之前同班學生吹水嗰種輕鬆。

其實份工又唔係真係咁得閒嘅，話嗮日日都要喺屋企搞到一兩點先做嗮啲嘢，只不過做嗰時有無心機做啫。做得耐教畜，自己都冇癮㗎。

就算識返以前嘅朋友，大家都已經轉變咗好多，仲要人哋個個日理萬機，邊有好似我咁無所事事呢。

唉，真係好想搵啲嘢搞吓。

明明自己嘅生活就係頹廢至極，但喺某啲人面前又要扮到好有活力。



「喂！你呢排冇咩精神噉嘅？唔係發生咗啲咩事呀？」枕邊嘅副校赤裸裸攤喺我隔離。

「唔係，係班學生要考DSE，有啲緊張啫。」呢個大話一聽就知假啦，不過我又冇必要講真話嘅。

「哦，噉我哋繼續啦。」佢溫柔噉講，相信佢咁心水清，大概都知啲嘢嘅，係冇講啫。

「唔，唔，唔」

噉我係咪要叫佢做一個體貼嘅老細呢？哈哈。



過咗幾日後，一個新嘅衝擊迎嚟。

「之前咪同你講過嗰個宴會嘅？你係咪想嚟？」佢嘅出現爲無趣乏味嘅生活帶咗點刺激。

「好啊，我嚟吖。」我都唔知自己黐乜撚線，走去多管閒事，仲要去啲咁危險嘅地方。

「你真係唔驚？」

「咪當見識吓囉，我呢啲no stake in society 嘅教畜喺嗰度都唔會有人理嘅。」



「邊係喎，嗰度都幾雜，乜人都有，哈哈。」

「噉星期五晚10:00，中環XXX 等？到時我帶你去。」

「ok」

真係估唔到自己唔鍾意social 都會踩落呢個氹。