我中出咗副校: 96. 被迫

去到嗰日，我按約定着住所謂嘅smart casual，亦即係最靚嗰套恤衫同西褲出現，佢亦都着咗嗰啲有少少貼身嘅連身裙。

「你今日幾靚喎。」

「多謝。」

「我哋行啦。」寒風凜冽，衣着單薄嘅佢自動挽住我隻手。

「你凍呀？我畀件褸你吖。」我隻手幾耐冇畀女仔翹過呀，真係諗起都有啲打冷震。



「唔使喇，好快到啫。」佢認真噉講。

話咁快去到門口，只見佢望落就係蘇豪區嘅一間普通酒吧。

「係呀，呢度只係間酒吧，所以入嚟嘅人都比較雜，我先帶到你入嚟咋。」

「唔講喇，我哋分頭行事，你扮唔識我就得。有咩事上嚟，我可能要借你嚟過橋，你幫手執生就得㗎喇，真係唔該嗮。」

「唔緊要啦，我都知你無端白事點會叫個外人嚟幫手啫。得㗎喇，我識做。」佢一個女仔過嚟又真係幾危險嘅，搵多個人照應都合理，只不過我諗唔明點解佢唔搵公司啲人。



入面係一間幾闊落嘅jazz bar，不過畀人包咗場，理論上就唔係個個都入得。

實質上就好明顯係個老細畀唔夠錢，所以入嚟嘅人都唔似係嚟自同一個羣體，好似我噉。

「hello，我好似冇見過你㗎喎。第一次嚟？」竟然一開波就有個36E撩我吹水，不過以我睇過咁多北方佳麗嘅經驗，呢條友好明顯就唔係本地人。

「哦，係呀，不如你介紹吓呢度有啲咩呀？」

我跟隨住佢嘅帶領，眼尾一路梢住唔同地方，睇吓呀靜去咗邊。



只見佢入咗一間比較隱蔽嘅角落，唔算係房嘅分隔，而入面就係一大堆男人，出面亦都好清楚睇到佢哋做緊啲咩。

睇嚟佢真係好蝕畀人喎，或者去呢啲地方其實就已經同做雞冇咩分別啦，不過人哋點開工我又干涉唔到嘅。

我爲咗幫佢睇水，所以就坐咗喺廂房對面嘅吧檯，飲住酒。

呀靜好明顯個樣已經紅過我，廂房嘅男人亦都開始毛手毛腳。

就算佢係我邊個都好，都無理由睇住佢噉樣畀人糟質㗎。

我瞪大眼望住佢，示意佢使唔使幫手。

只見佢搖搖頭，眼神散發嘅係一種熟悉嘅感覺。