我中出咗副校: 101. 過去

「係呀，做咩事呀。」老實講，佢做過咩手術我又冇必要知嘅，無謂多管閒事啦。

「冇，我唔知你介唔介意啫，之前一直都冇同你講……」佢眼神閃失，好似想逃避自己一陣間會講嘅嘢。

「你唔使講都得㗎，大家嘅個人生活其實唔使知咁多。」的確，佢做過啲咩手術就冇咩所謂嘅，你話有性病就係啫。

「唉，算啦我講啦。」其實我都冇咩反應，真係唔知佢緊張啲乜。

「其實我生過BB。」



「你而家結咗婚？」講真嗰句， 女人呢個歲數，對個西都唔會有啲咩期望㗎喇，只係我唔想畀佢老公揼啫。

「唔係，離咗婚好多年，佢都過埋身。」噉都好啲，費事佢伴侶覺得我撬佢牆腳啦。

說話就係噉講，但係佢嘅講法只係印證咗佢背景嘅複雜，都係謹慎啲好。鬼知佢係咪講大話啫！

自古以來，搵sp 中伏嘅例子多的是，無端端做咗人第三者真係好大獲㗎嘛。

所以話呢，嗰啲唔係單身又出嚟搵sp 嘅人真係害人不淺。



「我以前唔黐家，成日出去玩，結果十八歲就畀人搞大咗個肚，奉子成婚。不過，佢早幾年撞車死咗，所以佢唔會找你晦氣嘅，唔使擔心。」佢講嘅時候仲舒咗一口氣，好似好想個前夫死噉。

「噉個小朋友呢？佢而家都應該大個喇喎！」我唔知佢同人哋有咩恩怨，但細路呢個就真係可以好麻煩。

「佢跟咗佢老豆，所以我都唔知佢而家喺邊。」佢嘅眼眸反映出嘅只有悔疚。

但係，佢嘅處境好慘就唔代表我唔可以釋除自己嘅疑慮嘅，我都唔想自己畀人昆，唔知頭唔知路就捲入啲唔知乜事㗎嘛。

「雖然我唔應該介入你嘅家事，但你知道前夫早幾年撞咗車，點解會唔知你個小朋友去咗邊呀？」



「好似話佢爛賭，賣咗個女出去，之後就已經搵唔返佢喇。如果嗰時用多啲錢同佢打官司，或者而家就唔會噉……」

「多謝你呀，我講咗出嚟之後，個心舒服咗好多……」佢依舊溫文嘅眼眸今次似乎多咗啲幽怨。