講埋啲咁沉重嘅話題,我哋都冇再繼續扑嘢,唯有攤喺牀上面講嘢,用埋最尾個一個鐘佢。

「你一路以嚟,都係自己一個噉樣過㗎?」

「係呀,邊得閒搵個伴呀。嗰時又要讀返書,又要做嘢養起自己,不過而家都好嘅,如果唔係嗰個仆街打我,或者我都未必會真係的起心肝離婚,開展新生活,唯獨係個女……」

「得一開頭都係見到個女幾次,之後佢就同佢老豆好似人間蒸發咗,搵極都搵唔到人,係去到一年前我先知佢死咗,個女仲要好似幾歲嗰時就畀人賣咗,又係搵唔到佢嘅下落。」

「過咗咁多年,我都係搵唔到佢,喺嗰啲facebook group 度問都係冇,佢會唔會已經……」講到呢度,佢已經止唔住自己嘅淚水。



我真係好怕女人喊,更加唔知點樣對住一個唔係真係好熟嘅女仔好。

記得對上一次有女仔喺我面前喊,就已經係嗰個仆街女人畀綠帽我帶仲扮到好冤枉嗰個樣喇。

「唔好自己諗咁多嘢啦,佢應該無事嘅,一係我幫你搵吓喇。」仲有啲咩說話可以安慰到佢呢。

「唔緊要啦。」可能過咗咁多年,佢都已經冇咩期望,所以只係唔出聲噉望住出面嘅街燈。

或者我今日真係知得太多嘢,所以佢亦都冇特別同我道別,就自己離開咗。



但係,我呢個時候竟然有種唔想佢走,想去陪佢嘅感覺。

點解嘅?

返到學校,經過過去幾個月嘅搭線鋪路,我終於令到自己同副校嘅不人道交易終於不了了之,唔使再對住嗰個極級嘅黑鮑,只係要辛苦佢嗰個後生仔「新歡」喇。

真係估唔到而家啲人只要畀高少少人工就肯去做啲咁厭惡性嘅行爲,仲要可以任我點去做其他嘢,果然做head 嘅真係特別爽快。

或者,對下層嘅奴役就係每個打工仔爲咗排解老細對自己嘅壓迫,一層壓一層啫,幸好嘅係我唔再係最底層嗰個,已經成功上岸。



又有咩所謂喎,只係大家嘅關係又返返去之前噉樣,佢要我做嘢做到死啫,點都好過屌個有老西嘅老細嘅。

正因學校嘅一切都已經看似完結之際,最大嘅暗湧竟然出現。
已有 0 人追稿