我中出咗副校: 104. 女神隕落了

「劉sir呀，嗰個同學唔知咩原因失去咗知覺，我哋而家已經call 咗白車，同埋通知緊佢家長，你唔使擔心。」佢個臭閪吖，人命關天仲夠膽死叫我唔好擔心？

大佬呀，佢係我最好嘅學生，有咩事上嚟係咪你孭飛呀？仲有，佢屋企人呢？

「呀嫺姐呀，點解咁大件事你唔同我講聲先呢？仲有，你哋用咗十分鐘先上到嚟，個學生已經暈咗成三個字都有，如果佢因爲噉而有啲咩冬瓜豆腐，係咪你哋負責，學校負責？之後點樣同人哋屋企人交代呀？」我已經忍無可忍喇，只好喺度爆seed發泄。

其餘嘅同學聽到Cherry 真係出咗事就已經好擔心，而見到從來唔鬧人嘅我竟然一嚟就鬧成間學校最閪嘅校務處，不免有啲驚訝。

「噉我哋處理唔同事件都需要時間嘅，更何況我哋嘅職員有急救牌，而家已經畀緊嗰位同學最合適嘅處理方法。」佢繼續官腔噉回答。



「就算你哋點處理都好，總之你要記住，我哋呢間班房三十個人望住你哋啲處事效率係人命關天嘅情況下都係咁低，到時人哋屋企人問起嘅話，你哋要負嘅責任係最大。」我都費時同呢班人嘥口水，就cut 咗佢哋線。