我中出咗副校: 103. 突發

第二朝，正當我上上下堂嘅時候，Cherry 舉咗手話要去廁所，仲要遲一遲都唔返。

噉正常嘅老師都會叫第二個同學去廁所搵佢，睇吓佢係咪唔舒服，使唔使早放嗰啲啦，點知嗰個同學帶住啲好震撼嘅消息返嚟。

「Cherry 佢喺廁格入面，嗌極佢都冇反應呀！」講嘢講到喘嗮氣嘅係Cherry最好嘅朋友，會唔會係佢緊張得濟咋？

「你有無睇清楚，係咪真係嗰個廁格呀？佢係咪真係喺入面㗎？」我詢問。

「冇睇錯㗎，我認得佢對鞋！」



呢個時候，極多可能性湧入我個腦度，佢可以係暈咗，死咗，甚至係自殺，總之都唔係好嘢啦。

「你等我一陣。」我嘗試冷靜落嚟撥個輪去校務處，點都快過個同學跑落去啦。

「喂？我係劉sir，而家有個同學喺三樓廁格入面，其他同學嗌極佢都冇反應，你哋可唔可以派人去睇睇發生咩事？」我笨拙噉打出校務處嘅電話，仲有幾次差啲撳錯掣，耽誤咗時間。

「點解你唔用銀仔開個廁格呀？」我竟然緊張得濟，講埋啲噉嘅嘢教壞細路。

「我……」佢唔知係驚得掣定係畀我語出驚人嘅發言嚇窒，無言以對。



「呀，你哋當冇聽過啦，我哋……eh我哋繼續教書，校務處啲人會搞㗎喇。」

喺等待校務處嘅人經過嗰個走廊嘅一分一秒都變得非常漫長，就算我講嘢一舊舊噉教書都可以未到，簡直係一種另類嘅煎熬。

班仆街冚家鏟，我平時已經睇佢哋唔順超㗎喇，又要西面，又要唔做嘢，究竟想點撚樣㗎？

如果我係女人嘅話，我應該一早衝咗入女廁喇。

「其實你哋有無人係St. John,又或者有急救牌呀？噉等落去都唔係辦法喎……」的確，如果貿貿然冇牌去救佢嘅話，個同學本身同埋我要孭飛，Cherry 都唔會好得去邊。



點知，個課室靜到烏蠅飛過都聽到。

呢個時候，課室好似傳來啲聲響，但聽真啲，其實係嚟自學校外面，仲要係十字車聲。唔係舐嘢下話？

我真係唔可以再等，就打咗電話畀校務處，睇吓佢哋有無回覆。

「喂，想問啱啱嗰個同學咩事呀？」我呢個時候終於冇撳錯掣，只係部電話畀隻手握到實一實，好似就爛噉。