副校:「Free? tdy 10pm?」

我冇撳入去個Whatsapp,費時佢知我睇咗。

唉,唔早唔遲,點解會而家先搵我㗎。雖然之前拖咗佢好耐啫,但而家當我啲咩喎,要隨傳隨到。

呢個時候,呀靜竟然極之眼利噉見到個訊息。

「佢又搵你呀?去囉,搵食緊要呀。」佢又係把口話無所謂,實質上就口不對心,大家唔好當我傻先得㗎。



有陣時我都唔係幾知喺呢件事上點樣面對呀靜。雖然大家一見面嘅時候,已經知道雙方嘅事,但點睇都係我廢啲。

加埋自己都叫做有啲尊嚴,有啲大男人嘅思想,又點可以面對自己喺條女面前咁cheap,做人做到成隻狗,係隻鴨至真。

呢個時候,我諗起自己一直以嚟嘅弱點。點解乜嘢都要逆來順受?做個決定又做唔到,人哋叫我做乜我就做乜,冇咩自己諗法,而家連反抗嘅動力都冇埋。

除咗特殊癖好之外,有邊個想插乾鮑?捽到條J好痛好好玩咩?自己又唔係冇錢,點解要爲份垃圾工出賣靈魂做鴨?

有時候,我真係好痛恨自己嘅呢樣嘢,更加痛恨自己冇辦法喺其他人面前堅強一次,特別係自己心愛嘅人。



望住佢緊張嘅眼神,我撳入去Whatsapp.

唔撈咪唔撈囉,喺呢段逃避嘅時期入面,我已經諗得好清楚。

 
已有 0 人追稿