我中出咗副校: 113. 死就死

send 個whatsapp 啫，唔使死嘅，唔會工都冇埋嘅，冇工撈咪搵過第二份囉，佢又唔會夠薑即時炒我嘅。

我鼓起勇氣，打咗幾隻字。

「以後都唔得閒，唔好意思。」

呀靜個樣好驚訝，但我睇得出佢係開心嘅。

就係藍剔咗兩分鐘之際，對方終於都轉爲輸入中。



「好，我唔強人所難。」

見到呢個語氣，我都知自己遲啲返去有排受㗎喇。

儘管係噉，自己心底都叫做舒咗一口氣。所有嘢都完結喇！！

「你真係咁決絕呀？你唔驚返到去佢清算你咩？」佢擔憂噉望住我。

「清算咪清算，炒咪炒囉，有咩緊要得過陪你。」我真誠噉講。



「口花花。你係冇後悔至好！行啦！」我拎起張單去收銀，佢亦自動波翹住我隻手。

「不如而家一齊睇戲囉！」我提議。