我地沖哂涼之後又好似回復返上次一齊訓咁,我訓到好邊邊,驚同佢太近佢會尷尬。我打側禁左一陣手機,睇左一陣ig,然後就熄左個mon,另返轉個身望天。我廢時望住佢咁訓,驚尷尬,一陣一望過去佢又望住我咁點...。我望住個天花板,我冇咩睡意,但又唔敢合埋眼,因為一合埋眼又會諗起Nicole.....

「訓左啦..?」我試探性咁問。
「...未呀..訓唔著..」我聽到佢背住我訓緊。
「係咪個枕頭唔岩呀..?」
「唔係呀..好舒服呀..」
「哦...」到我有少少尷尬...
「...做咩啦...」
「...嗯??」我問。
「....唔係你問我訓左未咩..我..以為你有嘢講」


「冇呀...睇你訓左未炸嘛...我都訓唔著..」
「咁..我陪你傾下計..?」佢話。
「..嗯!..」
「咁...傾咩..?」
「..errr....」屌...好撚尷尬..我做咩問佢訓左未..
「..」我聽到佢轉身嘅聲,佢轉左身望住我,但我望緊天。
「嗯..?」我擰轉身望住佢。
「冇..我..我訓慣呢邊..」
「哦....好呀...」我即刻避免同佢有眼神接觸...唔係太曖昧了..。之後又靜左一陣...
「不如播少少歌..?」我話。


「..嗯...可以呀」佢講完我起身,開著左個藍芽喇叭,connect左部手機。
「咁我是但播啲歌啦喎,你冇話想聽啲咩?」
「冇所謂呀..都得」佢講,然後我隨便播左啲soft少少嘅歌。因為我有個playlist 係專for訓教嘅歌,音樂慢慢響起..係梁靜茹嘅《情歌》。

時光是琥珀 淚一滴滴 被反鎖
情書再不朽 也磨成沙漏


係一首好岩夜晚聽嘅歌,開頭嘅旋律好柔和好舒服,聽到個人好放鬆...但啲歌詞就.....
「青春的上游 白雲飛走蒼狗與海鷗 ~」..!Rachel跟住細細聲唱!..佢唱歌好好聽...有少少surprise 。
「哇~你識?」


「緊係識啦!情歌喎~」佢話。
「好呀~咁我聽你唱」
「喂也..你咁我會怕醜...」
「頭先又唔怕醜~」我話。
「頭先點同....」

命運好幽默 讓愛的人都沉默
一整個宇宙 換一顆紅豆


「我同你一齊唱啦?」我話。
「...嗯!..你唱先....」
「回憶如困獸 寂寞太久 而漸漸溫柔 ~放開了拳頭 反而更自由 」我低幾度唱。
「慢動作 繾綣膠捲 重播默片 定格一瞬間 ~我們在告別的演唱會 說好不再見 」佢唱。
「你寫給我 我的第一首歌 ~你和我 十指緊扣 默寫前奏
可是那然後呢 ~還好我有 我這一首情歌 ~輕輕的 輕輕哼著 哭著笑著 我的 ~天長地久 ~」我地一齊唱。


「哈哈,估唔到你都唱得唔差喎!」Rachel話。
「緊係!我直頭係K歌之王」
「邊有人好似你咁厚面皮!」
「我囉~」我笑住話。然後音樂一直播,我就坐左係床邊,佢就挨住枕頭,我地一齊唱歌。

陪我唱歌 清唱你的情歌
捨不得 短短副歌 心還熱著
也該告一段落

還好我有 我下一首情歌
生命宛如 靜靜的 相擁的河
永遠 天長地久


我同佢唱嘅時候我有時幫佢和下音,我地冇夾過,但都唱得好夾。我望住佢笑一笑,然後下一首歌繼續播。我地兩個一直唱一直唱~反而越唱越開心。慢慢,我返返上床聽佢唱。我打側望住佢挨住枕頭唱歌...突然間覺得佢好charm...,我一直望住佢唱。今次,係楊丞琳嘅《曖昧》,由佢口中唱,成首歌唔知點解變到好sweet。



我打側訓,慢慢合埋眼,聽住佢唱歌.....好平靜好舒服..。開始想訓了....早抖了...Rachel..

曖昧讓人受盡委屈
找不到相愛的證據
何時該前進 何時該放棄
連擁抱都沒有勇氣