因為ex，我決定向全世界嘅女人報仇: 重逢
「你....點解上嚟嘅.....」我下意識望一望房。好彩Rachel唔係度，佢應該係酒店準備緊比我嘅surprise。
「我..我好掛住你....我有好多嘢想同你講...」點解呀文好似咁唔想我嚟...佢仲要望一望間房..係咪真係有第二個。
「我唔係話遲啲先咩..？」唉我好似有少少惡。
「我......我純粹想比個surprise 你...咁今日你生日呀嘛....對唔住......我唔應該咁....」開始忍唔住有少少眼濕濕..，呀文從來都冇試過用咁嘅語氣同我講嘢....。我都係想同佢慶祝生日姐.....
「.....咁又唔洗道歉...，你入嚟坐低先...」佢好似有少少想喊...佢咁嘅樣我真係有啲嬲佢唔落.....。好似八個幾月前嘅感情有少少衝動出返嚟咁...我唔想佢喊。
「...嗯.....生日快樂...」好彩佢都冇趕我出去...咁房入面個女人咪知我上嚟囉....我望一望間房。
「...多謝.....」我話。點解佢望一望我間房嘅...佢冇理由知我同Rachel一齊住嫁，但好彩佢而家唔係度..唔係我真係唔知點搞...唉屌...。
「我買左啲嘢比你呀...，我煮比你食呀」我話。我想留係度同你一齊....
「唔洗啦..我食左嘢」我真係唔知點面對佢...我好驚Rachel知道，但我認我對Nicole仲有感覺。
「哦....」呀文..你都係唔肯比機會我....
我地靜左一陣，我係度諗我應該點樣處理...。我知Rachel唔會返嚟，佢搞掂哂就會打電話比我叫我過去。但咁Nicole點算...我冇理由掉佢一個人係度...。我決定將所有嘢問清楚先..
「係呢」 「係喎...」我地一齊講嘢。
「你講先啦....」Nicole話。
「好...。點解你要而家先上嚟...呢咁多個月入面我等你等得咁辛苦..你連一個電話、一個wtsapp都冇send過比我...。你知唔知嗰陣我幾辛苦...我每一日都訓唔著..我成個人好似崩潰左咁。我真係等到好絕望...，你知唔知！好似每一日都無止境咁等。你當初淨係講左一句叫我信你，你咁樣就走左。你叫我點信你呀....！我......唉...」我越講越激動...我真係想講好耐。但我見到佢個身開始震...佢喊緊......我唔忍心再講落去。
「呀文....呀文...好對唔住....。你聽我講.....嗚...我...我唔係有心嫁......我都好掛住你...我個心都一樣好痛.......對唔住..。我愛你....你知嫁...係咪？...我有苦衷嫁......你聽我講好冇.......嗚.....呀文......」我個心好似裂開左咁..我明佢會怪我....但係我冇諗過由佢口中講出嚟係咁痛...。我好想抱住佢...好想好想...。
「....你講....」我想聽佢係咪真係有咩苦衷。
「當初我一同你分開...我就比公司派左去歐洲.............」我由比人偷手機到打比佢比佢block都講左出嚟，但我冇講我聽到把女聲...。
「....你點解唔早啲同我講...就算係咁..你唔係都仲有方法可以搵我嫁咩...」佢明明就仲有方法可以聯絡我..如果佢真係咁鍾意我..點會唔搵我！
「當時我諗....就算我搵左你..都係有夫之婦....，我想用單身嘅身份同你一齊.....嗚....我.....呀文...我話你知.....我而家離左婚啦......你可以無顧忌咁同我一齊啦....」我擠左個笑容同佢講。呀文，就算你有另一個，面對住而家單身嘅我，你又會唔會揀我...
「你離左婚...！？」下....屌......點算...我應該點做....。佢為左我...一直都咁努力....反而係我..我仲要同左另一個女仔一齊...。佢都係冇搵我姐...但我...我竟然仲要放棄佢....。我突然覺得自己好撚仆街...我知佢要離婚要有幾大嘅勇氣同責任....。反而而家變左唔負責任嘅人...係我...。但我都唔可以放棄Rachel...佢係我身邊咁耐..我唔想佢受傷...。呀！！！點解會係咁！！
「嗯...呀文.......我地重新嚟過好冇...。就當之前嘅事係一場夢...，而家嘅我地先係最真實...。我唔再係人地老婆，我地可以開開心心咁係埋一齊..係咪呀.....呀文」我一步步行近呀文。
「.............」我唔知應該點答佢，我冇勇氣同佢講我識左另一個，但我依家嘅反應根本出賣左我自己。點解我表現到咁心虛，我正常唔係應該即刻應承佢咩.......。
「呀文....我愛你...」我終於都係忍唔住，我抱住左佢......。我忍左咁耐...我終於又再抱住佢.....。佢嘅身體..都係咁溫暖.....
「Nicole......」佢抱住左我....我...我竟然冇推開佢.....。我本能根本唔容許我推開佢.....我係仲鍾意佢...我肯定....。呢種感覺....好懷念...好強烈.......，就算過左咁耐，都係咁有feel。但我心入面都有Rachel....而Rachel仲要係酒店房準備緊我嘅生日.....
而家嘅我，好迷惘
而家嘅我，好幸福
現在我有了幸福 有人照顧 應該知足
你不像他 從不讓我哭
可是我越想投入 越是生疏 抱的再緊
依舊止不住那流失的溫度
現在我不停忙碌 不斷讓步 想看清楚
你不像他 把我當成全部
可是愛有時善良 有時殘酷
我要如何愛他像愛你那樣 義無反顧