我娶左個台妹做我老婆啊！: Chapter 3

「仔，你返黎啦？」爹地笑得好陰險咁問我。

「係啊！岩岩放工咋！」我扮鎮定話，其實我心急如焚，因為我想問佢地關於台妹既野。

呢個時候，我從我房間聽到一把女聲，呢把女仔聲既聲線好溫柔。我好肯定唔係媽咪，唔通係阿Jane個八婆入左黎我屋企？不過冇可能啦，我地分左手都成年啦，以佢既性格，一定唔會再見我。

當我諗到入晒神嗰陣，嗰個女仔就出左黎。我望一望，我𣊬間凍結了，唔會係真啊嘛？？嗰個女仔竟然係⋯⋯

嗚啊！原來係我今朝見過既台妹啊！點解佢會係我屋企出現既？我究竟係咪喺度發緊夢⋯⋯





嗰個台妹見到我，就一臉微笑著，然後就一下子抱住我。我Feel到呢個台妹對F罩杯係真材實料，唔係裝假狗嗰種，而佢身上有一種淡淡既體香，好似毒品咁越聞越上癮，幾乎令我慾仙慾死。


「賢賢，你唔記得我啦？我好掛住你啊！」個台妹竟然識講廣東話，仲要講到成個香港人咁，完全冇任何既口音。

到底發生咩事？個台妹今朝用國語問我，而家就用廣東話同我講野。但我好肯定一樣野，就係我以前肯定見過佢，而且⋯⋯我同佢既關係一定好熟。因為⋯⋯嗰個台妹竟然會叫到我個名，仲知道我屋企係邊，識得我爹地媽咪。但係⋯⋯我仲未記起呢個台妹係邊個。

「欣欣你放完野啦？嗱個衰仔返黎啦！你係咪好掛住佢呢？」爹地話。

欣欣？？？唔通係⋯⋯溫嘉欣？？？嗚啊！係溫嘉欣小公主返左黎香港啊，原來佢就係今朝我見個既台妹，聽爹地講起佢個名，我就終於⋯⋯記得返嘉欣，二十年啦！隔左二十年終於見返佢啦。我而家開心過有得升職加薪啊！好想將時間停留到呢一刻，一直抱到嘉欣至永遠。唔怪之得頭先見到嗰個台妹好熟口面啦。





「唔緊要啦！我地今朝見過架啦！賢賢今朝仲帶我去停車場啊！不過你做咩扮唔認得我既！你好衰架！」嘉欣又拍我。

「Sorry啊！今朝認唔出你添，而且你仲扮台妹同我講野，同埋成二十年都冇見你！」我怕醜咁講。然後爹地媽咪係到食花生偷笑。

「哼！人地真係台妹黎架！咁你而家認得我未呢衰人？」嘉欣扮嬲咁講。

「認得啦！溫嘉欣！英文名叫Ally啊嘛！」我同嘉欣講。

「好記性啊！你靚仔左好多啊！」嘉欣嫣紅一笑。





「你靚左好多啊！」我同嘉欣講。

「好啦！唔好講咁多啦，阿仔快啲幫嘉欣搬野啦！搬去你間房！嘉欣會住係我地屋企啊！」爹地同我講。

「Yes Sir！」我回應爹地。

我就幫嘉欣搬行李入我間房到⋯⋯至於我同嘉欣既故事，就要去返廿六年前，亦即係1994年。