我娶左個台妹做我老婆啊！: Chapter 4

1994年2月14日，香港聖德肋撒醫院既產房。


接近中午既時候，有一個男嬰，降臨左係呢個世上，係產房出左世。

「盧生盧太，恭喜晒啊！係仔黎架！母子平安！」醫生話。

「多謝你啊醫生姑娘！老婆，我知你得架。你好叻啊！」我就話。

「老公！我得左啦！」老婆話。





呢對新手既父母，誕下麟兒，就向佢地既家人、朋友分享呢一分既喜悅。

而差唔多同一個時間，另一個產房。就有一個女嬰順利降臨係呢個世界上。

「溫生溫太，恭喜晒呀！係女嚟㗎！母女平安！」醫生話。

過咗一陣，呢兩對新手母親就轉左去產科病房，呢度嘅醫生護士好好人，就將佢哋兩個嘅愛情結晶品送入嚟比佢哋睇。另一方面，呢兩對新手父母感情非常友好，關係就像親兄弟姊妹一樣，然而佢哋互相分享作為父親嘅喜悅。

「德華，你個女好得意啊！」我話。





「家駒都係啊！你個仔將來一定好靚仔啦！你同慧敏諗住幫個佢叫咩名？」德華話。（慧敏係我老婆既中文名）

「我地改名叫佢做頌賢啊！英文名叫Leslie。你呢？」我問。

「嘉欣啊！英文名叫Ally。唔知佢地兩個大個左會唔會結婚呢？」

「哈哈⋯⋯」我同老婆大笑，而淑怡都笑埋一份。（淑怡係德華既太太，係台灣人。係台灣中華航空公司駐香港機場既外派地勤主任，同阿華、我、慧敏係啟德機場到認識，德華係華航既本地地勤主任，而我同慧敏都係民航處既航空交通管制主任，負責機場控制塔運作）

就係咁樣，「頌賢」同「嘉欣」就係同一日出世，之後經雙方父母既同意之下，安排佢地兩個入讀同一間幼稚園。由K1至K3，呢對金童玉女一直都同一班，而每年老師、同學都會幫佢地兩個一齊慶祝生日，甚至有啲同學話「頌賢」同「嘉欣」一定會結婚。因為每次排隊⋯⋯「頌賢」同「嘉欣」都會一齊手拖手。





到左我地K3畢業嗰年，有一日我同嘉欣兩家人出黎食野。我先知因為嘉欣既爹地媽咪要調返台灣華航總公司，所以嘉欣要跟佢父母返台灣升小一，嗰陣時聽到佢咁講，我忍住喊左出黎。但嘉欣好似好堅強，掉返轉頭黎安慰我。

「盧頌賢，唔好喊啦！香港同台灣相差唔係好遠姐。」嘉欣同我講。

「溫嘉欣，我好唔捨得你啊！」我回應嘉欣。

「我都係啊！不過你可以同你爹地媽咪坐飛機黎架嘛！」

「我應承你，大個左一定要娶溫嘉欣做我老婆！」

「傻瓜！我大個左都要嫁比盧頌賢！」

當時我地咁講⋯⋯只不過係衝口而出，亦都唔知需要為自己講過既野去負責任，所以我地都係講下笑就咁算。反正我地將來都唔知會係點。





到左嘉欣同佢父母就嗰日，當時我同我父母有份去送機。當時我哋兩個都表現得好堅強，強忍眼眶內嘅淚水。

「好啦我哋要走啦，如果有時間嘅多啲過嚟台灣搵我地啦！」世伯話。

「你哋都係呀，有時間嘅多啲返嚟香港探我哋啦！」爹哋話。

我哋兩家人就喺離境大堂到，作一個送別。呢個時候，我拎住我親手畫嘅晝，送比嘉欣。內容係我同嘉欣手拖住手，標題寫着「我要同溫嘉欣結婚」

「溫嘉欣，送俾你㗎！你去台灣要俾啲心機讀書！」我同嘉欣講。

「幅畫好靚呀！我都送返幅畫俾你啊，你要好好咁保管喎！」嘉欣同時俾咗佢親手畫嘅畫俾我。

我睇到之後，見到佢畫嘅畫比我嘅靚好多倍，內容都係一樣「我要嫁比盧頌賢做我老公！」，以及⋯⋯我地兩個人既樣，中間加一個紅色心心。

趁嘉欣同佢屋企人入閘前，我就一手攬住佢，然後kiss左佢可愛嘅嘴唇，而嘉欣都好主動回應我既Kiss。當時我都唔知點解可以咁勇敢，直接Kiss一個細路女。如果宜家要我做多一次，我肯定好驚會俾嘉欣摑一巴。





「好啦我哋真係要走啦！拜拜啦！頌賢老公！」嘉欣向我揮手。

「你都係呀！萬事小心！拜拜啦！嘉欣老婆！」我回應佢。

嘉欣一家人咁就入咗去，雖然我哋雙方父母一直都有聯絡，爹哋媽咪有時都會過台灣探世伯伯母。但我同嘉欣因為學業繁重嘅關係，所以每次都冇辦法見到對方。慢慢咁樣，我已經唔記得左嘉欣變成點。

我同佢最後一次見面，就係2000年8月10日。呢20年間，我地一直都冇見過，直至到⋯⋯