「你想食咩早餐啊?」我問嘉欣。

「我想食⋯⋯⋯⋯茶記啊,不如你帶我去食啦!」嘉欣話。

「好啊!」我好開心地講。

我就帶左嘉欣去平時我食開嗰間茶記,呢到可謂我人生去得最多既餐廳,平時一到Weekend就會同爹地媽咪就會黎呢到食野。而呢到既老闆同食客都同我地相識左好耐,所以佢平時都會比多少少份量比我地食。

一入到去,個老板同老板娘就好熱情咁同我打招呼,仲用一啲特別既眼光望我同嘉欣,以為嘉欣係我女朋友。



「想食咩呢?」我問嘉欣。

「我要食餐蛋治,牛尾湯螺絲粉配腸仔煎蛋啦!再加多杯熱檸水。」嘉欣提議。

「咁我都要呢個啦!我飲杯熱啡先。」我話。

於是我地就叫老板落單,叫左兩個Set餐同兩杯熱飲。等緊野食黎既途中,見到嘉欣笑得好Sweet,我就知帶佢黎呢到冇錯架啦!

「欣啊,你係咪好少食港式早餐架?」我問。



「一時時啦,不過我食台式早餐比較多囉。」嘉欣話。

「係咪⋯⋯咩三文治,蛋餅豆漿嗰啲啊?」我問。

「Bingo!下次我整比你食啦!如果你唔嫌棄既話。」
嘉欣笑住話。

呢個時候,野食就到左,我同嘉欣就叫:「我唔客氣啦 !」


見到嘉欣食野個樣都好開心,而且都幾大食。我諗佢台灣係一個食貨黎。至於咩叫「食貨」?大家上網Google下啦。



「衰人,好好食啊!」嘉欣笑住講。

「你鐘意就得啦!你好鐘意食野架咩?」我問。

「你唔知台灣既女生好大食架咩?」嘉欣話。

「唔知架,我只係知⋯⋯好多台灣夜市,有好多野食。」我話。

「乜唔係⋯⋯溝女咩!?」嘉欣奸笑,仲要控得好埋。

「唔知呢??快啲食啦,趁熱食!」我話。

我地兩個食完之後就埋單。食完要做啲咩?當然要展開我地既旅程啦。於是我地兩個就返上樓,換左白色Stussy T恤,黑色Carhartt Cargo褲、黑色Converse 1970,而嘉欣見到我著成咁,都換返件白色露膊衫,黑色牛仔裙,同我一樣既黑色Converse 1970。真係好有一種少女Feel,但又唔會好暴露。呢一種若隱若現既打扮我係最鐘意,估唔到我地兩個啲Taste都好夾。




呢個時候,爹地媽咪都返晒工,得返我地兩個係到。

「好靚啊你!」我對住嘉欣講。

「係咩?你鐘意就好啦!」嘉欣微笑。

「行啦我地,記得帶齊啲野啊!」我再三提醒。

「知啦!台灣Passport加駕駛執照、香港身份證、台灣屋企同呢到既地址單,表格同錢。好彩我全部都帶齊姐。」嘉欣邊Check邊對我講。

「OK!」我對嘉欣講。

講完之後,我地就鎖好門出去,去長沙灣間運輸署牌照事務處到幫嘉欣搞返香港駕駛執照由於長沙灣同美孚都算近,於是我地都係坐地鐵啦!
已有 0 人追稿