落到地鐵站,我醒起嘉欣係台灣生活咁多年,未必知道八達通唔同佢地日常使用既悠遊卡。陣間如果冇八達通同冇買單程地鐵票既話咪好核突。但唔知點解佢好似好熟架步,知道去就要坐荃灣綫,去元朗、屯門、紅磡就知道要坐西鐵綫。我懷疑佢一定會成日返香港。

「欣,你有冇八達通啊?」我問。

「有啊!伯母尋日比左我啦。」嘉欣問。

「以為你只係帶左悠遊卡添!」我講笑咁講。

「識啲野喎,知道台灣會用悠遊卡。但我都係香港人黎架,知道係香港就要用八達通。」嘉欣話。



「咁就得啦!入閘啦我地!」我對嘉欣話。

我地入左閘,就即刻上左車。平時呢條線一定會有好多由新界西出九龍既乘客,呢一日都唔例外。見到嘉欣既反應都有啲奇怪,咁又難怪既,始終呢到係香港,同佢平時係台灣坐捷運點都會有唔同。你知啦,香港人平時最鐘意趕啊趕、趕啊趕,搞到啲生活都好緊張晒。

由於車廂都幾多人,將我同嘉欣迫到好似沙甸魚。為左可以盡快離開呢個無間地獄,於是我地都係揀近車門既位置企。突然間去到深水埗站嗰陣,唔知係咪車長哥哥香港腳發作,將架列車剎得好急。搞到我要用手按住塊野,同時將我同嘉欣個距離貼得好近。呢個時候見到嘉欣塊面好紅、好美艷。我地之間既距離得返一厘米。唔知個傻妹係咪以為我對佢壁咚呢?

「做咩啊?」嘉欣怕怕醜醜地講。

「Sorry啊⋯⋯」我話。



「你仲玩,落車啦!全車人都對住你笑啦 !」嘉欣知冇我好氣就講。

我地兩個就出左閘,去到長沙灣政府合署上左2樓(運輸署係2樓)。

嘉欣就入去辦理手續。趁等緊佢嗰陣,我就攞左我部iPhone開Yahoo Japan,睇下有冇啲咩Parts或消耗品可以換。

睇睇下,見到有個好靚既Advan Racing RS-D既18吋黑鈴,諗諗下如果黑鈴裝落白色車都幾型棍,但係如果一換既話又要換埋避震,排氣喉,中蕉,ECU都要換撚晒。嘩加加埋埋都要十萬蚊冇走雞。


但諗落而家原裝都OK啦,反正我又唔會落Track又唔會飛。惟有慢慢當Family Car玩下先啦。所以都係~~算啦~~~


 
已有 0 人追稿