我娶左個台妹做我老婆啊！: Chapter 41

由屋企落到尖沙咀，都係行荔枝角道、西九龍走廊同埋渡船街。車程只不過都係15分鐘左右。

「好正呀！」嘉欣好開心咁講。

「我都係呀，香車配美人！」我話。

「美人係邊個先？」嘉欣問。

「當然係溫嘉欣小姐啦！」我話。





「算你啦。點啊見咗你個Ex未啊？」嘉欣問。

「見唔見到佢唔係重點，最緊要就係⋯⋯我想你今日要開開心心！ok？」我話。

嘉欣笑住咁向我點頭，落到去梳士巴利道個紅綠燈停低咗。我見到嘉欣條裙勁短，露出左三份二嘅大髀位，嗚啊！佢雙腿真係白滑、又長又瘦，仲隱隱約約見到佢今日着住白色既Lace內褲，搞到我又扯撚左旗，真係好想摸佢大髀呀。

雖然我好想摸嘉欣既大髀，但話晒而家係街。而且又係開左個車篷，出邊又咁鬼死多人。為免出邊啲鹹濕仔望埋黎，於是我就除咗我件西裝褸，幫嘉欣遮一遮佢條裙，顯示一下我地男仔應該要有嘅紳士風度。

「多謝你呀。」嘉欣甜笑。





「唔好俾人睇蝕曬啊知唔知。」我話。

「又諗埋啲核突野囉。」嘉欣話。

「冇啊邊有姐。」我話。

「綠燈啦仲唔開車？」嘉欣話。

當交通燈嘅訊號轉左綠燈，亦即係代表我哋要開車啦。突然間Jay佢地就WhatsApp我可以將架車泊喺中間道嘅政府停車場。點解？因為平囉。





我就將架車揸到上4樓，見到佢哋已經全部人到齊晒。當然，大家見到我同嘉欣一齊嚟，當然指住我哋喺度奸笑啦。而嘉欣就同女仔好似閨蜜咁friend，總之一句講晒，男有男講，女有女講。

去到婚姻登記處，Samuel同Rosita、以及佢哋嘅親朋戚友已經全部到齊。而全場焦點落係主角Samuel同Rosita身上啦，我哋其他人就坐喺到，等佢哋兩個宣誓。

「喂乜咁似電視劇嘅？」嘉欣細聲咁問我。

「呢個係香港嚟㗎嘛，其實台灣咪又係一樣。」我話。

「如果有人肯娶我就好啦！」嘉欣話，然後佢特登撞我一下。

「你咁有條件，實有既！」我話。

「但係本小姐唔係個個男仔都啱！我係要一個真正鍾意我，照顧我，做野又積極既人。」嘉欣話。

「咁唔怪得知你嫁唔出啦！」我話。





「慳啲啦屌你！喂差唔多宣誓啦！」嘉欣話。

我同嘉欣即時變返正經，尊重翻個場合，等Rosita同Samuel係婚姻登記官及我哋面前宣誓成為合法嘅夫妻。

當Samuel同Rosita交換戒指，正式簽紙嘅時候。佢就從此成為人夫，終於「登登登登⋯⋯從此被困」。我諗以後行街食飯睇戲應該都唔會叫到佢。不過身為兄弟嘅我哋，見到佢率先跑出，搞到我好感動。

完成晒所有儀式之後，我哋全部人出去陪呢兩位新人影結婚相。我哋呢班兄弟姊妹結果就影咗好多張。我班兄弟都好識做，專登讓開個位俾我同嘉欣一齊企，搞到佢笑得好開心。

趁Samuel、Rosita同佢地既親屬影緊相既時候，我就用我既iPhone 11 Pro偷影嘉欣個靚樣。當我想按下快門嗰陣，已經被嘉欣用手捉住。

「影咩啊？」嘉欣問我。

「冇影野啊！」我問。





「比我睇下！」嘉欣話。

「冇啊！」我話。

「比我睇下啊！嗚嗚⋯⋯你蝦我！」嘉欣係到扮喊。

「傻妹唔好喊啦 ！最多我哄返你啦！」我話。

「你而家影我，我就唔喊！」嘉欣話。

於是我就用iPhone 11 Pro較好個Effect，務求將嘉欣影到最完美。點知嘉欣就攞左我部電話，轉左Selife模式。

嘉欣就一邊揸機，一邊係到扮日本妹既Kawaii Pose，係咁叫我一齊Selife。同時不斷係到轉Pose，每一張可以用「可愛」、「曖昧」、「親密」黎形容。搞到Andy係到望我地，就連Samuel同Rosita呢對新人都話我同嘉欣搶晒鏡。當然，如果比其他人知道嘉欣同我同居，一定走唔出尖沙咀。

同時，Rosita話要拋花球，係咁好大聲叫未結婚既女仔要企得前啲。搞到成班女仔即刻係到狗衝，睇黎香港真係女多男少，個個女仔都想搵段美好既姻緣。





「吓，乜原來香港都有拋花球架？」嘉欣問。

「世界大流行黎架喎，台灣都有架。」我話。

「不過都唔會拋中我架啦 。」嘉欣係到自嘲。

「你唔試過又會點知喎？」我哄嘉欣。

「順其自然，OK？」嘉欣話。

Rosita一拋個花球，成班女仔就好似啲跳高選手咁搶住個花球，可惜世事真係好奇怪，你越要勉強去搶，個花球永遠都唔會落到你身上，反而放鬆就會容易就到，就好似《浪子心聲》其中一段歌詞「命裡有時終須有 命裡無時莫強求」。做咩事都要順其自然，唔好勉強去做，係你既始終都係你既。

點知⋯⋯呢個花球⋯⋯就拋中落嘉欣既手中⋯⋯





嘉欣接左個花球後，黎唔切反應，而我不斷對住佢係到笑。而所有人包括Samuel同Rosita就過黎我地呢邊。唔知嘉欣⋯⋯⋯⋯會唔會覺得⋯⋯感動到喊呢？