「死開啊!唔好阻住曬,要溫馨就死埋一邊溫馨!」這個C班的男同學說罷便一手推開我。我也失去重心倒地。

手臂好明顯見到有傷痕,最好彩係冇傷到肉。

「你個賤精!女仔你都推?你係咪嫌命長?信唔信我打懵你啊!」阿男非常着緊,捏着不比我臉蛋小的拳頭便打算前去打架。

「唔好啊,阿男!呢啲人唔使咁樣做,個天會見到!」我勸他不要打架,為免耽誤逃脫時間。

「唉,你成日都咁好人,唔怪得之人地都蝦你啦。」阿男看我的狀況,不禁為我可憐。



「唔係啊,我就係因為好人先識到你,仲要做到咁多年朋友。呢個好人,做得過啦!100%超值啊!」此生能認識他,的確是一個福氣。

「唔好講嘢啦,你行唔行到啊!快啲起身,我地仲有路要行。」他提醒我。

我望着眼前的大門說:「阿男,多謝你。一齊行啦。」

我眼中的,不止有大門。

還有大家因為爭相走避而盡露本性的場景。



請告訴我啊!這不是真的。

「哎呀。」我剛站起來,就感到膝蓋有一陣痛楚。

「做咩啊?死火,你個膝頭哥爆曬胱!」他指着我的褲子說。

真係染紅咗。

「唔緊要⋯」我對阿男說。我不想成為負累。



「不如你行先啦,我會跟上你架啦!」

「點可以咁樣?我明知你個膝頭搞到咁,你一定唔會行到好快!你咁嘅狀態好危險啊!我唔可以放低你唔理!」他快要失聲了。

「唔得架⋯」我剛想說下去,就再次傳來了感染者的聲音。

「小⋯夫我要入嚟啦!」我隱約聽到這感染者不是說着他們平常的語言,而是⋯剛剛出來沒有多久時間的二次創作。那是我的童年,多啦A夢改過來的。他說着這句,向我發起進攻。

「唔⋯唔可以接受!」M狂叫着,並衝向我身前,擋下了這一擊。

佢唔係用刀,或者手上嘅任何武器去作出格擋,而係⋯

「M!唔可以咁架!M啊⋯」我真的真的哭了。

「唔緊要,生而為人,我好榮幸可以為你做到任何事。阿魚。」他拋下了一句說話。



【這就是人性的光輝,也是我們苦苦尋找的東西。】

「無論付出嘅代價,係有幾咁重⋯係啦⋯幫我同阿妍講,我好鍾意佢,而且係數之不盡咁愛佢。最後啦,如果有機會再一次見到我,可能我地就係敵人身份相見啦。唔知,有冇緣再次相見?」他硬撐着,把要跟那個女生要說的話,跟我說出,要我轉告她。


轉告?即係承認咗M嘅死亡?

唔可以。佢咁頑強,一定唔會死。

「走啊!大家即刻走啊!」他的眼睛,閃過了我看見的最後一點光。

「全部人即刻離開!」

「守衞者們⋯全部離開⋯佢地⋯更加需要你地嘅幫忙!全部即刻⋯走啊!」M的眼睛充滿了血絲,這或許將是他的極限。



「我地唔走!」在我被阿男背起,踏出這大閘的最後一秒,我聽到了這一句。

他們是阿朗,阿樂和那位M新認識的朋友。

「大家好!我叫十三!」這位朋友,捉緊了時間來自我介紹。

我終於知道佢叫咩名了。

場上的鬥士,只剩下了四人。
已有 0 人追稿