「你放心,我今次冇惡意,佢仲好清醒,屍毒唔深」英叔用手指夾住劍

九叔半信半疑的後退兩步,但劍是繼續指向英叔「你試下亂嚟,睇下你個頭會唔會多個窿」

英叔幫我檢查傷口,眉頭間一直緊鎖,是我情況太壞嗎?

「嗯......」英叔沒回答

「情況好差?」葉靈替我問





「唔係啊,佢屍毒唔算太深,暫時未去到心脈」英叔說出令我放下心頭大石

「咁就好啦~咁要點先可以清除啲屍毒啊?」葉靈問

「用糯米敷住個傷口,連續浸糯米水七日,用活蛇擦身,同埋要多啲曬太陽,吸收返啲正氣」英叔說出方法

「就係咁簡單?!」我驚訝

「唔係你以為有幾複雜」英叔反問





九叔的表情也有點愕然,當中應該還包括一點疑惑

英叔說起來事情好像變得很簡單一樣,但做起來就...

我跟英叔站在一大桶糯米水前

「要浸一個鐘?!」我驚訝

「係啊!落去啦」英叔一手推我進大木桶裡





落到水後,我身體每一吋都感到劇痛,我嘗試爬出木桶,但英叔按著我的頭,阻止我上水

「後生仔,你估真係咁容易?」然後就將我按回水中

這時,我身上開始散發著綠煙,水亦慢慢變黑,我咬緊牙根忍著痛

「點解....會咁!啊!!」我痛得接近說不出話,身上的綠煙到底是什麼啊

「正常,係屍氣,屍毒裡面含有屍氣,依家就係幫你逼緊啲屍毒屍氣出嚟」英叔解釋

那我只好強忍一個小時的痛楚...途中還要用蛇來擦身,好不容易才捱過第一天......

浸完後,我一拐一拐的回到大廳,葉靈馬上來到我身邊扶着我

「天航,你點啊?」葉靈問





「佢算好叻仔㗎啦,可以忍到咁耐」英叔笑著說

「你點識咁做㗎」九叔問

「九,我成日都叫你唔好淨係跟住師父個一套做法,佢冇教你唔代表冇其他方法,要睇多啲學多啲先得㗎嘛」英叔正經的說

九叔沒有出聲,看來是接受英叔說的意見,明顯地,他們兩個之間的關係已沒有當初那麼僵硬,但偏偏就像小孩一樣喜歡鬥嘴

「九叔叔,咁接下落嚟我地應該點做?」葉靈問

「我都諗緊,我地個個都有傷在身,打起上嚟會好蝕底,但如果比屍王出世就麻煩啦」九叔說

「唔可以比屍王出世」英叔肯定地說





「其實唔係仲有其他門派嘅人咩?點解唔搵佢地幫手?」我問

「我地唔同門派好少聯繫,或者可以話已經斷絕咗聯絡」九叔說

「咁啊....」我也沒想到什麼辦法

「其實點解我地要諗咁多呢,想做就去做啦,我地又唔係重傷,𡃁仔想幫𡃁妹查死因,我地又要對付屍王,根本冇得比我地揀,點都要去㗎啦」英叔說出重點

「啱啊!」我附和

「我只係想深思熟慮,唔係大家有危險」九叔說出他的想法

「九,我明你諗咩,但有時候諗太多反而會令自己更煩㗎」英叔拍一拍九叔的肩膀

「嗯」九叔回應





「咁家今晚好好休息下,我地聽日出發」英叔說

突然!窗口破碎,一支箭從我們面對飛過,插在牆上,是英叔的箭!
已有 0 人追稿