［打鬥/靈幻/鬼怪］《輪迴。道》/《噬魂》我由古惑仔變咗做現代道士: 32

「唔洗煩啦，有人自己搵上門啦」英叔拔出牆上的箭，走到門外

我們跟著出去，望向地下中庭，有兩個站在中心，正正是段一凡和莫平，我們對視，英叔率先到達中庭，我們回去拿武器

「我地未搵你，你地咁快就自動送上門？」英叔蹺住手，笑著說

「係咪送上門好快就知～」莫平說

「你個痴線佬...」英叔震驚的後退兩步





這時的我們剛剛趕到下來，英叔震驚的原因是...莫平的笑容，可以看到他長出了獠牙，他....變了殭屍

「莫平你...」我說不出話

「哈哈～原來變成殭屍係好爽㗎！成個人充滿力量，本身嘅傷都好返曬！！」感覺莫平變得瘋瘋癲癲

「依啲咁嘅人唔洗同佢講咁多」九叔放話

「哈！要同你地打唔係我地啊！！哈哈哈哈～」莫平瘋狂的笑





「有請我嘅寶貝！！」莫平拿出三清鈴，搖一搖

頓時周遭狂風四起，大風得快要站不住腳，之後遠處響起了一聲野獸的咆哮聲！天空閃過一個黑影

呯！那身影著地

身材高大，皮膚呈啡黑色，全是龜裂紋，眼是紅色的，身穿清朝官服，冠帶孔雀毛，袖有綉花，一身寶藍色，胸前圖為麒麟

「麒麟？清朝裝唔係龍㗎咩？」我問





「你係邊度聽返嚟？皇親國戚係龍，文官係雀，武官係麒麟，睇佢依身裝束，佢生前應該係一品武官」英叔解釋道

「一品武官？！咁咪好揪得？！」我驚訝

「你條癲佬」九叔說

「哈哈哈哈～你地知唔知我幾辛苦先煉到依隻野㗎！佢簡直係我嘅寶貝～」看來莫平真的瘋了，竟然製造一隻這樣的怪物出來....

「今朝你先同我講要吸夠四千九百個人先可以煉成，我算過，應該仲差三百幾人，邊有可能咁快可以出土」英叔疑惑的問

「嘻～商場咁多細路～好快姐」莫平說

「用童子血....條友傻撚咗，大家小心，隻野唔係講笑」英叔馬上戒備著

「細路仔.....童子血....你係咪傻㗎！！」葉靈激動





「隨你地點講啦～」莫平眼睛像是發光的看着他「寶貝」

「遊戲開始啦喎～」莫平搖動手上的鈴

屍王隨即發動攻擊，他跳到我們面前，動作極快，舉起手抓向我們，我們各自散開，葉靈飛出袖布，纏著屍王，但不出一秒就被扯斷，葉靈被扯倒

「靈，有冇事？」我問

「冇事！」葉靈站起來

「你地執生」九叔衝前

九叔、英叔左右開弓，一人攻擊一邊，九叔依舊拿銅、木雙劍，上下斬擊，英叔則用弓作武器，三人混戰暫時打得五五分平，不見高低





九叔作法，在背後飛出大符布，包住了屍王，一頓爆破聲，符布起火，但屍王卻絲毫無損的繼續前進，九叔再發動攻擊，飛出符紙，符紙飛到地上，在屍王周邊圍了一個圓形，符陣發出紅光，那紅光直上雲霄，像是一個籠的困住屍王，屍王在圈內不斷掙扎，每次觸碰到紅圈的時候，屍王都會被電擊一下，他一時未能衝破符陣

英叔則不斷向屍王發箭，但屍王都一一擋開，英叔見此飛出數十個銅錢，屍王反應再快也不能全數躲開，有幾個打中了，在屍王身上爆開，總算有點傷害

「有啲本事啊～」莫平再次搖動三清鈴

屍王聽到鈴聲後，仰天咆哮，身上散出紫黑色的屍氣，眼神變得更銳利，撞破了九叔符陣，他轉向英叔，英叔一腳前撐，屍王卻絲毫不動，一掌打向英叔，英叔倒地，屍王想追擊，我拋出捆仙索，套住屍王的脖子，用力拉緊！希望為九叔他們爭取時間

被套住後，屍王轉向我