［打鬥/靈幻/鬼怪］《輪迴。道》/《噬魂》我由古惑仔變咗做現代道士: 41

「靈力，意志力愈高靈力愈強，有少少似你地口中講嘅特異功能，可以隔空取物，可以操控武器，可以係你用武器個陣輔助你，令攻擊力更大」九叔解釋

「咁真氣呢？」我問

「真氣就等同於修為、道行，你修為有幾高你嘅真氣就有幾高，當真氣愈高可以借嘅法就愈多愈勁，但反噬能力一樣咁強，所以作法個陣唔好分心，不過依樣對現時嘅你嚟講有啲難，一步一步嚟」九叔說

「咁莫平道行算唔算高？」莫平應該不算高吧，他變成殭屍後都能被我殺掉

「唔高，佢係當年嘅南陽派最多係守門口」九叔說





「係喎！我上次聽到莫平話北門派係四派之首，係點分㗎？」我問

「其實當年係有五大派，分別係東道西樓，南陽北門、上無極....」九叔正在說

「上無極？！個名好型！」我打斷了九叔的話

「係無極門，上無極嘅意思係佢地實力係我地四派之上，當年佢地人才輩出，每一個門徒都有極高嘅修為同靈力，我都好好奇佢地到底係點樣修煉」九叔繼續解說

「咁點解依家得返四派嘅？」我追問





「佢地係五派之首，實力最高，肯定冇人會質疑，我記得個陣我得十八歲，無極門嘅掌門親自嚟搵我師父，話有要事相討，佢地入咗書房好耐，由朝傾到晚，臨走前仲同師父講咗句：以後有咩事就交比你啦，之後就走咗，一晚內，無極門嘅人就銷聲匿跡，我地四派不停發散人手去搵，但一啲線索都搵唔到，佢地完全人間蒸發咗」九叔說出當年的事

「全部唔見曬？！當時無極門有幾多門徒？！」我問

「八百三十一人」九叔說

「八百三十一人？！一晚全部唔見曬？！」太誇張了吧

「嗯，完全冇任何蛛絲馬跡留低」九叔點頭





「之後點啊？」

「之後四派之間都有明爭暗鬥過，後來當時四派掌門相議後，決定各自派出四個代表決戰，一決高低，最後我地北門派就當上咗四派之首」九叔的表情帶著一點懷緬

「嘩！決戰？！咁個四個代表咪係成派最勁嗰四個！」

「冇錯，我係其中一個」九叔說出

「你當年唔係得十幾歲咩？！」我驚訝

「十幾歲唔可以好打？」九叔斜視我

「可以可以，你緊係好打啦！」我馬上附和

「喂！死仔！你唔講埋我嘅？！我都係其中一個啊」英叔從旁叫喊





「你地兩個都好犀利...咁個比賽係點㗎」

「當年就精彩啦！四派嘅人都出盡渾身解數，全靠啊九我地北門派先贏到！」英叔搭著九叔

「嘩，九叔咁勁？！」我瞪大雙眼

「都好多年前啦....

當年我得十八歲

「師父！你真係決定派我出戰？」我沒有信心能應付

「師父對你有信心，你一定唔會令我失望」師父拍一拍我





「好啦....我會盡力」我低頭

「仲有三日就比賽啦，好好休息，養足精神」師父說完就出了中庭

接下來三天我都不停練習，不敢放鬆

「放鬆啲啦，好簡單㗎咋」是師兄—張英

「唔得，師父對我咁有信心，我唔可以輸」我繼續練習

「你依兩日唔休息，比賽嗰陣根本冇可能發揮到全力，休息下啦」他繼續說服我

「但我真係好驚輸！好驚會令師父失望」

「你唔驚可以唔洗輸，你驚就一定輸，邊有人未打就驚定先㗎，任何事未做之前都唔可以驚！」師兄蹺著手，靠著牆





「點可能唔驚...三派高手」

「對自己有信心咪唔驚」師兄笑了一笑

「我就係冇.....」我低頭

「咁啦，你依家試下同我打一場」師兄走近

「唔得！我點夠你打啊！」我退後

「唔試點知啊！」師兄出拳

我退後一步避開





「師兄！」

「還手啦，咁樣你點出賽啊？！」

師兄繼續出拳，我不斷躲避，一直被逼近牆邊