［打鬥/靈幻/鬼怪］《輪迴。道》/《噬魂》我由古惑仔變咗做現代道士: 42

「師兄！唔好再逼我！」我被逼到貼近牆

「咁你還手啦！」師兄鎖住我的頸，起膝

我以手擋住，手向上推，擺脫頸鎖，一踭打在他臉上

「終於還手啦咩！」師兄笑說

我主動揮拳，師兄用手拍擋，我跳起飛膝，他抱住我腳，我借機用另一隻腳鎖住他頸，扭腰，把他鎖到地上，我用手捉住鎖頸那隻腳，用力，師兄用力拍我腿，我馬上鬆手





「咳....咳...嗄....嘩..你咁嘅身手...點會冇信心㗎」師兄被我鎖得不斷咳嗽

「咁始終唔知三派會有咩高手....」我始終擔心

「信我，你一定唔會輸」師兄作出保證

「好....」在師父和師兄的保證下我勉強有點信心

去到比賽當日





「大家好啊～歡迎大家嚟到四派之爭！我係大家今日嘅主持！我叫葉晨～係東道派嘅弟子，今次比賽除咗唔可以踢下陰同殺人外，係冇任何規矩嘅！」猜不到這戰事會是一個女主持來當主持

「九，放鬆啲，你係主將，最後先到你，我會幫你頂曬啲對手」師兄說

「嗯...」我點頭

「好啦～好啦～大家準備好未呢？第一場賽事即將開始！係南陽對西樓！有請雙方嘅先鋒出場！」那女主持正式拉起戰幕

第一場開始！





南陽先鋒身材矮小，身形偏瘦削，穿著大衣，包實了全身

西樓先鋒身材高挑，赤裸上身，肌肉線條分明，看得出在身形上下了不少苦功

從身材上基本上可分出勝負

我閉上眼，靜心的等待出賽，數秒後聽到慘叫聲，看來分出勝負了，是西樓的.....

我猜錯了！慘叫聲是由西樓先鋒發出的，他的拳頭出血了，原來南陽先鋒的大衣裡是穿著一件刺甲....果真卑鄙，一早就聽聞南陽派的人是非常卑鄙艱險，今天終於親眼認證，是真的非常卑鄙

「師兄，咁樣唔算犯規？」我悄悄的問

「嗯....今次嘅比賽講到明冇規矩，中意點都得」師兄的表情也有點愕然，看來也是猜不到南陽派的做法

其他派別的觀眾也是一片嘩然，居然會做出這麼卑鄙的事





「咩啊～係大會話冇任何規矩㗎嘛，咁我依家咁做都唔算犯規啊！」那南陽先鋒為自己的行為鋪上美麗的修飾

除了南陽派外，其他派別的觀眾和選手都在喝倒采，但他並沒有理會，走向西樓派的選手

「你咁高大！冇理由驚我㗎～我莫軍企係到比你打」莫軍逼近西樓先鋒

「你好卑鄙啊，用真實力同我打啊！」西樓先鋒出拳打向莫軍面頰

莫軍舉手擋拳，慘叫聲再次傳出，西樓先鋒的拳再被刺傷，莫軍的手臂都是刺甲，基本上，只要打向他，受傷的一定會是自己，對付他要用腦，不能盲衝，不過好明顯西樓先鋒不懂這道理，只得一股衝勁，不停出招，好快他就受身傷痕的倒下，要同伴抬下擂台

「好....係一場非常～意想不到嘅賽事！第一場賽事係南陽派勝出嘅，咁我地有請西樓派嘅中堅出場！」

「我叫王宇！係佢啊哥，你叫莫軍啊嘛，你今日唔好諗住行返落台啦！」原來這個中堅是剛剛那蠢人的哥哥，希望他的表現會比他弟弟出色





「好啊！我都想睇你點報仇」莫軍也是使用逼近來引誘敵人攻擊，只要稍為有智商的人也會看出來

莫軍已走到王宇面前，但王宇沒有出手，反而是後退，拉開距離，莫軍再行近，但剛行一步....

「火神借法，破！」王宇大叫

莫軍的腿被地上的符紙炸傷了，傷口不斷流血

原來王宇在比賽開始時就把符紙掉在地上，退後只是引莫軍行到符紙上，聰明！這就是對付無法打近戰的方法

「呃.....你陰我！！」莫軍大叫

「你啱啱何嘗唔係陰我細佬」王宇這做法簡直是令人心曠神怡