［打鬥/靈幻/鬼怪］《輪迴。道》/《噬魂》我由古惑仔變咗做現代道士: 304《第二季》

「封眼？」

「嗯」九叔點頭，同時手指不知在算著什麼

「大鑊…都唔記得咗係今日」九叔瞪一瞪眼

「咩係今日？」啊仁問，九叔沒回答

「你地三點前封曬佢！我要出去拎啲野」九叔說完後衝離了殮房，沒給我們時間追問





「點解要封住佢地對眼呢…」我不解

「算啦，做咗先算啦」啊仁打開冰格，拉出一名「老友」

「咁你負責封冰格個啲，我負責今日新嚟個啲啦」我為我們分工

「嗯」啊仁點頭

我們為每一位「老友」封眼前都會說一句





「唔好意思，打搞你」

希望不會令他們覺得受到冒犯，這是這個月裏九叔教我們的其中一樣事情

另外，他說我們在殮房工作身體會聚集很多陰氣，會容易招惹孤魂纏身，所以我們更加要事事小心

而殮房令我們身上多陰氣的原因是，因為殮房基本沒有陽光能直射進來，而且這裏放著這樣多屍體，屍體本身就是屬陰，陰氣必定重

另一方面，九叔正趕往自己家，途中撥通一個電話





「喂九叔，做咩啊？」電話的另一頭傳來一把女聲

「我唔記得咗今日係三破日，所有殮房都爆滿，幫我執定一套架撐，依家返嚟拎，你通知總會，叫人去睇住其他殮房同醫院」

「好！」

九叔回到家中

「打咗比總會未」九叔一入門就問

「打咗啦，佢召集緊人」幫九叔執拾工具袋的人說

「打去提佢地三點要到，今日三點會有日全蝕，起碼維持一個鐘！」九叔說

「好！」





那人拿起電話，再次撥通總會的電話

「喂，我係東道尚術士葉靈，啱啱打過嚟㗎啦，有野要補充」

原來！幫九叔執拾工具袋的人就是葉靈，葉靈在「那件事」後就跟九叔他們住在一起，跟著他們一起生活

「好，你講」總會的人說

「派去嘅人手三點前要到殮房，因為今日三點有日全蝕，會維持一個鐘」葉靈補充

「得，我依家盡快通佢地」

「好！唔該你」





電話掛斷

「搞掂啦」葉靈跟九叔匯報

「佢地有冇講會派幾多人去？」九叔問

「唔知，淨係知西樓會派人去另外三間殮房守住」

「咁醫院呢？唔洗問，南陽唔會派人去」九叔檢查工具袋，是否有足夠的裝備

「係啊，南陽冇出聲，不過佢會去醫院」葉靈指一指後面的房間

咔嚓….房門打開

「呵～係啊，我會去醫院睇住」一中年男人從房間走出





他留著中長髮，滿面鬍渣，唇邊掛著一支煙，身穿着黑面白底的唐裝，雖然人是中年，但身體還是十分壯健，隔着衣服也能看到肌肉線條

而他手上拿著一把弓箭

名叫張英！

「你？到時唔好打電話嚟求救，我唔得閒救你」九叔說

「我唔洗趕去救你都偷笑啦，仲要你救我」張英反駁

「你…」九叔正想說話

「唉啊！你地兩個加埋都成百歲啦！點解仲可以日日嘈㗎！！」





話被截停了

「靈！我返殮房啦，你一陣陪佢去醫院啦，廢事佢死咗都冇人知」

「呵～妹頭，你執下架撐，我地半個鐘後出發執醫院，我瞓多半個鐘先」張英打著呵欠說

「好」葉靈點頭

張英轉身想回到房間

「英叔！」葉靈突然大叫

「嘩！嚇死人咩！咩事呢妹頭？」英叔被口

「冇啊～想問下洗唔洗幫你執埋架撐咋嘛」葉靈笑說

「衰妹！比你嚇醒曬，邊個教你咁樣嚇人㗎？！」英叔問葉靈

「下？嗰個咪你囉！」

「……唉，今鋪真係捉蟲入屎忽」英叔搖頭說

「咩嚟㗎…好核突啊」葉靈皺眉嫌棄

「咁都唔識？！自己攞嚟衰啊！」英叔激動的說

「呃….我去執撐架先」葉靈轉身離去

「衰妹唔識野！」英叔也回到房間