［打鬥/靈幻/鬼怪］《輪迴。道》/《噬魂》我由古惑仔變咗做現代道士: 343《第二季》

「個名咁熟嘅，好似係邊到聽過」英叔回想著

「上次係醫院，啊靈講過依個名」九叔直說

「依條𡃁仔就係妹頭夢中情人？！」英叔驚訝

「……係你？」葉靈不敢相信

「九叔你一早識佢？」葉靈望向九叔





「幾個月前佢入職」

「上次…係醫院你特登唔講？」葉靈現在才想起九叔當時的反應

「嗯，個陣我未清楚佢係咩人」九叔點頭

「咁依家呢？」英叔問

「乖仔，學野快手，有潛力」





「嘩，你竟然會咁讚人」英叔帶點挖苦的態度說

「但冇用，個心仲未得」九叔搖頭

「人地仲咁後生，冇咩歷練，慢慢嚟啦，最緊要聽教聽話姐」英叔拍拍九叔的肩膀

「咁另一個呢？」英叔轉指向啊仁

「中規中矩，都聽教，醒目，但份人古惑啲”





「古惑？啱我啊，你唔中意就讓比我，等我教！！」英叔將整隻手臂搭著九叔

「你要教就自己搵！唔好搞我嗰兩個」九叔一把推開英叔

「依到咪有多個囉，邊洗周圍搵姐」英叔將視線轉向啊武

不知為何這場面顯得英叔有點猥瑣…..

「依個係佢地泰拳教練，聽講身手唔錯」九叔說

「身手好就啱曬我啦，拳腳功夫邊個夠我勁」英叔自誇

九叔一如既往的反白眼

「嗯….其實你兩個仲諗唔諗住幫佢地睇下啲傷，唔睇就掉返佢地出去」





葉靈看見家中兩老好像沒了為我們療傷的意欲，所以出聲

「係喎，都唔記得添，冇事嘅～少少傷死唔去」




最後，九叔他們也有為我們進行包紮和敷藥，不過葉靈卻離開了，而在葉靈走的不久後，我們醒來了

「九叔….」啊仁率先醒來朦朧的張開眼睛

「喂，你徒弟醒啦」英叔看見啊仁醒來便通知九叔

「你係….」啊仁看著不相識的英叔一臉疑惑





「我係你師父嘅師兄啊，叫聲師伯先啦」英叔微笑的說著

「師伯？」同樣醒來的我問

九叔從後推開英叔

「唔洗理佢，你地點？」

「我地冇事啊…啊武傷得重啲，佢點啊？」我問

因為啊武與莫盡交手時受到不少重創，他的傷勢應該不輕

「佢？佢冇乜事嘅，條友算係留咗手，佢除咗有幾個地方骨裂之外都冇咩大礙」英叔回答





「但佢仲未醒…」

「佢嘅傷勢始終比你地重，未醒都正常，放心，佢真係冇事，唔信我就送佢去醫院，隨便你地」話畢，九叔便轉身行開了

「唉～成世人講野都係咁掘，你地休息下啦，條老野幫你地請咗假㗎啦」英叔搖搖頭

「哎呀，後生仔，我地傾下計啦」英叔坐到沙發僅餘的空間

「我就叫張英，係條老野嘅師兄，咁你地都叫跟緊佢學野啊，點計我都係你地師伯，叫聲嚟聽下先啦」英叔還在糾纏着師伯這個話題

我和啊仁尷尬的相視一眼

「呃…師伯」然後同步的說出

「嗯～咁大個人都係第一次聽到有人咁樣叫我，依種感覺！爽啊」





英叔顯得十分興奮

「點啊？跟住佢學唔學到野？」英叔問

「學到啊，九叔都好肯教我地啊」

「你地有心就努力啲學啦，佢唔係咁易教人，你地係佢咁多年嚟第一次收嘅徒弟」

「你地唔好聽佢講咁多，佢白痴」九叔拿著兩杯水從廚房走出來

「飲啖水」九叔把水遞給我們

「喂！你唔好係啲細嘅面前詆毁我依個師伯喎！」英叔盯著九叔

「仲有，你地唔洗叫佢師伯，好似叫我咁，叫英叔就得」九叔看一看英叔，再跟我們說

「好！」我倆點頭