「喂!你條友比我自high下都唔得嘅!」英叔頹喪的說

「嗚….」啊武也於這時醒來

「武,你覺得點啊?」我問

「呃….人就應該冇咩事嘅,我估係骨裂姐」

啊武果然是有擂台經驗的人,對自己身上的傷十分了解





「不過….係唔甘心姐」啊武氣憤捶打沙發

「點解呢?」英叔蹺起手問他

「唔甘心輸….」啊武回答

「我諗今次係你有史以嚟輸得最徹底嘅一次」我也不得不承認這事實,我原本以為啊武的實力已經是人類的天花板

想不到,原來連啊武都距離天花這麼遠….





「後生仔,唔洗唔甘心嘅,你都未夠火喉,唔夠打係正常」英叔看著啊武說

「未夠…火喉?同埋你係?..」啊武疑惑的看著英叔,我相信啊武應該是第一次被人質疑能力

「依到就係我屋企,我就叫張英」英叔用拇指指住自己

「英叔你好,唔該你救咗我地,但你啱啱話未夠火喉係咩意思…..」啊武十分執著英叔的說話

「咪就係未夠火喉囉,即係功夫未到家啊」這一句應該更加打擊啊武





「我打咗十幾場比賽,戰績係十七勝零負六KO…..功夫未到家?….」

「你唔信我啊?想唔想試下?」英叔站起

在旁看著的九叔,冷笑一下搖搖頭坐到一上用竹藤搖椅上

「好啊…但我洗唔洗留力啊」啊武對自己還是很有自信

「留力?哈,應該係我諗下點樣唔好打中你骨裂嘅地方」英叔擺出笑容

「好,咁就試下啦」啊武點頭

「你出招先啦」英叔攤一攤手

「咁我唔客氣啦」啊武一秒間眼神變得銳利





出招!

啊武踏步轉腰!揮出右直拳,但英叔不為所動

「上勾」只見英叔無視啊武的直拳,將手放在側腹,擋住了一記上勾拳

原來啊武在揮出直拳時,同步用左手打出一拳上勾,直拳只是一個煙幕

啊武現在兩手都不在保護範圍,英叔提掌擊在啊武的下顎

「嗚啊…..」啊武連退兩步

「你嘅諗法係好,但兩隻手同時離開自己嘅保護範圍,咁就錯曬啦」英叔又再次蹺起雙手






啊武皺緊眉頭,握拳再來!

高踢左腳,目標是英叔的頭部,英叔眼尾看著踢腿,他輕輕抬高頭部就輕鬆躲過了踢擊,啊武瞪大眼不敢相信,左腳還未落地,右腳馬上就提起,雙腳交替,右腳往英叔胸口一蹬

啊武的鞋底剛碰到英叔的衣服就被他用單手捉住了腳

「唔錯,但慢咗啲,快返啲就完美」英叔話音剛落,啊武就被狠狠的摔在地上

嘭!!

「啊嘶…..」這一摔刺激到啊武骨裂的傷患

「好啦好啦,你試幾多次都一樣㗎咋,等你好返先再試啦」英叔扶起啊武





「點解會咁….」啊武好像有點接受不到自己在一天內輸了兩次,而且兩次都輸得那麼徹底

「冇點解㗎,因為你地嘅世界同我地嘅世界唔同囉」英叔一口說出

「英叔…佢…」

啊武並不知道靈幻世界的事,亦不知道九叔英叔是道士的事

「我知我知,佢唔知啊嘛,唔緊要啦~今日佢同莫盡交過手,佢都唔可以置身事外㗎啦」英叔說

「今次佢講得啱,你朋友已經踏咗隻腳入依個圈,返唔到轉頭」沉默一時的九叔終於出聲了

「依家佢應該要知道」九叔說

「我要知道啲咩……」啊武一臉困惑





之後,九叔他們就跟啊武解釋莫盡是什麼人、有什麼門派、他們是什麼門派的人、靈幻界的事

「呃…..」啊武一臉「黑人問號」

「你唔信?」我問他

「唔係唔信,而係….好難…消化」啊武尷尬的說

「即係唔信啦」英叔在旁說

「招人問路,孤魂現身」九叔突然唸出一句咒語

「九叔你做咩啊?」啊仁問

「一陣你咪知囉,學野啦」英叔笑說

「九叔你有咩吩咐啊?」突然我們的身後出現了一個半透明的人影

「嘩?!」我、仁、武都嚇了一跳
已有 0 人追稿