［打鬥/靈幻/鬼怪］《輪迴。道》/《噬魂》我由古惑仔變咗做現代道士: 359《第二季》

九叔沉默

「衰仔又幾叻喎，咩鬼嚟㗎」英叔問我

「呃…..好似係色餓鬼…嗯，色餓鬼」我回想王奇怎稱呼這鬼

「嘩～色餓鬼對你嚟講應該唔易對付㗎喎」英叔繼續說

「好啦，英叔我想低調啲啊」我裝作囂張的說，想快快帶過這話題





九叔冷冷一笑，別過了面，感覺他已有透了事情

「唔該曬你啊，救咗我」夢晞從九叔背後上前

「哈….其實…我..唔緊要啦，好小事姐」我尷尬的摸摸頭

「哈哈！！𡃁仔，你唔係怕醜啊嘛」英叔找準時機挖苦我

「唔…唔係哈！我邊有啊！我…我..可能啱啱嚇親姐」





「你好英勇㗎啦～多謝你」夢晞伸出拳頭，想跟我碰拳

「唔洗客氣」我也伸出拳頭

這一刻突然覺得夢晞這個人是我一個很熟悉的人，好像以前也救過她….又好像試過救不到她

我的心突然揪住了，又是這種奇怪的感覺…..

「嗯？做咩啊？」夢晞留意到我呆滯的表情





「冇…冇事」我搖搖頭

「航，送呂醫生返去，愈夜愈危險」九叔發聲

「哦！係！」我點頭同意

「喂！九仔！你有冇問過我想唔想佢送啊！」夢晞轉身望向九叔

「呃……」我被嚇一跳

「嗯？咁你唔想佢送？」九叔皺起眉頭問夢晞

「唔係啊～講下咋嘛，行啦」

看來夢晞也是一個很難捉摸的人







我聽從九叔的話送夢晞回去，而九叔和英叔就站在原地處理地上的綠血

「啊～估唔到𡃁仔又幾叻仔，居然搞得掂隻色餓鬼，果然後生可畏啊」英叔雙手叉腰看著地上的綠血，

九叔默默反了白眼

繼而英叔拿出一張白色的符籙，雙指夾著，反手一轉，符籙燃起火笛，英叔將符籙掉到綠血上，綠血隨即焚起猛火，綠色的猛火

「你有教過佢靈體分類？」九叔問英叔

「冇啊？邊有咁快教依啲啊」英叔理所當然的說





「啱，所以我都未教」九叔看著英叔

「呃….所以呢？」英叔還是不懂九叔的用意

「……..」九叔閉上眼，深吸一口氣

「唉…頂你個肺.」九叔心中默唸

「佢地走咗，可以出嚟」九叔望向一旁的欄杆

「出嚟？邊個？仲有人咩？！邊到？！出嚟！我唔驚你㗎」英叔四處張望，擺出準備作戰的姿態

「英叔冷靜啲，係我啊」

嗖！！兵！！





標繩從山坡下揮上，標頭卡住了欄杆的縫隙，標繩被拉緊，一身影從山坡下攀上

「咦！哦～！原來係你啊！啊奇」英叔這才晃然大悟



「唉….點解個腦可以咁慢」九叔無奈的輕聲說

「你講咩話？」英叔聽到九叔的輕聲

「冇野」九叔搖頭

「啊奇，如果我冇估錯，啱啱應該係你幫啊航」九叔望向正在拍身上塵土的王奇





「嗯」王奇點頭回應

「你同夢晞又會係到嘅？」英叔問王奇

「我老豆老母都住象山，今日本來我同我老婆返嚟探佢地兩老，但總會打比我話城門谷發現有兩隻初階鬼殭，一搞就搞到咁夜」王奇解釋

「你老豆住係象山？！」英叔聽到這消息後十分震驚，然後望向九叔

「唔好望我，我都唔知」九叔推翻英叔腦內的想法

「老鬼尚住係象山我地居然唔知？！」

「佢都住咗好多年，不過平時真係好少出門口，要買野都係我啊媽去買」

「象山有好多啊婆喎…邊個先會係你啊媽」英叔不斷在腦內回想日常生活時在象山會見到的老人家

「王婆？！」英叔靈光一閃

「係啊，應該就係佢啦」王奇說是

「佢住邊橦啊？」

「樂山」

「隔離個橦～唔怪得好似好少見」英叔像是自言自語的說著

「我地去探下佢，傾下計！」英叔搭著王奇我肩膀就走

「唔啦英叔，夜啦，我媽應該瞓咗㗎啦，下次！下次同你地去」王奇拍拍英叔