［打鬥/靈幻/鬼怪］《輪迴。道》/《噬魂》我由古惑仔變咗做現代道士: 373《第二季》

「Hey！唔好意思啊」我叫停他們

「喂，你叫停佢地做咩啊」啊仁輕聲的在我旁說

「佢地都未攞保護裝備，就咁行入去我地咪又比九叔鬧死」

「啊，你又啱喎」啊仁點頭說是

「又咩事啊」中年男人不耐煩的轉身看着我們





「呃…係咁嘅，你地兩位應該係今日嚟旁觀嘅兩位啊sir 啊呵」

「係，咁又點呢」跟在中年男人身後的男子態度極為惡劣

「係，我係總區重案組高級督察陳一，依個係我伙記林家材」陳一手輕輕去舉高，示林家材態度也別太過份

「咁入去解剖室之前請跟我嚟依邊著咗衛生防護裝備先啊」我保持著禮貌的態度

都準備好後，我帶他們去到解剖室內，這時呂醫生亦已準備就緒







「早晨啊～」一開門，夢晞看到我就跟我請早

「早晨啊～」但作出回應的卻不是我，是陳一身後的林家材回應的

夢晞奇怪的看一眼他便低頭看文件

「嘩陳sir，估唔到原來有咁後生嘅女法醫㗎喎～」林家材自以爲自己很細聲的跟陳一說





但其實我們全都聽到…九叔更皺眉看著他

「陳sir 下嘛，根據資料死者係海灘比人發現，現場法醫初步估計死者係海水浸咗超過五日，全身皮膚腐爛發腫」夢晞拿著初步報告朗讀

「咦…浮屍，今餐飽啦」啊仁一聽到今天要解剖的「老友」是浮屍後，也不禁打個冷震

「都慣㗎啦….」有得選擇的話，當然我也不會想面對這樣的「老友」

「喂，啊sir！浸到爛曬，好難頂㗎，如果怕核突嘅就出返去先啊」啊仁趁機挖苦一下兩位啊sir

「咳嗯」九叔又是一聲乾咳

啊仁便知道要點到即止了

「怕？我地係受過專業訓練，有啲咩未見過」林家材繼續以極差的態度說話





陳一亦沒打算阻止自己的手下，讓他繼續用這種惡劣的態度

「啊sir，我過去睇下份報告先」林家材跟陳一交代一聲後便往夢晞走近

「靚女醫生啊，份報告仲有冇咩特別嘅地方啊」林家材靠得夢晞極近

「呃….冇喎，詳細嘅要等我解剖完先知喎」夢晞已橫踏一步，但林家材還是再靠近，我見此馬上過去為夢晞解圍

「林sir啊，呂醫生等陣都有其他野做，我諗佢都要開始㗎啦」我站到他與夢晞之間，分隔開他們

「你過嚟做咩姐，我又冇同你講野，哎！開始啦開始啦！」林家材一臉嫌棄的看著，然後轉身回到陳一旁邊

「衰咗啦」陳一看著他笑說





「條友囉，係到阻撚住曬」林家材盯著我看




「唔該你啊」夢晞裝作準備工具，實情就在跟我道謝

「傻嘅，客咩氣」我見林家材已遠離夢晞所以就站回啊仁身旁

「型喎～英雄救美啊死仔」啊仁用手踭撞我

「型乜鬼啊，佢黑人憎姐」我戚一戚眉

「呂醫生，可以開始？」九叔走到解剖台邊，手已捉緊了蓋著「老友」的帆布





「隨時可以」夢晞已戴上外科手套，她看著九叔點頭

「好」

「布起先人現，凡人閉眼」九叔例行說句，我、啊仁、夢晞都閉上了眼

「挑，整古做怪」林家材又再次用他自以爲細聲的聲線說話

九叔定住了一秒，吸一口氣

「喂，條友好似激嬲咗九叔」閉上眼的我跟啊仁說

「我睇到，佢大鑊啦」啊仁幸災樂禍的笑了一笑

「開布！」九叔一手拉開帆布





逢！！

「可以開眼」九叔開聲，我們方才開眼

「老友」的面目露出，可以說是能腐爛的都腐爛了，帆布打開後那股惡臭更是撲鼻而來

慶幸經過這幾個月的時間，我和啊仁都早習以為常，什麼浮屍、爛肉，肢解開肚全都已是家常便飯

但相反，甚少見這些場面的林家材，一看到「老友」的樣子後，便馬上跑到洗滌盤，嘔吐起來

「嗚啊…..嘔….我屌….痴撚線」林家材雙手按在洗滌盤邊

而陳一也有反胃了一下，不過可能是他始終有著多年當差的經驗，總算見過不少大場面

「嗯….」陳一發出低沉的聲音

「哈，啱啱仲牙擦擦，依家就死狗咁～」啊仁繼續幸災樂禍