［打鬥/靈幻/鬼怪］《輪迴。道》/《噬魂》我由古惑仔變咗做現代道士: 374《第二季》

「嗄…..頂你個肺啊….爛到咁樣嘅」林家材擦著嘴巴回到陳一身旁

「收聲啦，咩架都比你丟曬」陳一狠盯林家材

「…….」囂張的林家材終於閉上了嘴

「嗯..」九叔突然點一點頭，撓一撓耳朵

「九叔做咩啊？」我見此就問





「冇，突然冇咗隻烏蠅係耳邊嘈，有啲唔慣」九叔平淡而又目無表情的說出這精絕的一句

我和啊仁的第一反應就是瞪大眼睛，倒吸一口氣，強忍著笑意，也是為了尊重先人，免得在先人面前嘻皮笑臉

而夢晞….她直接笑了出來！

「噗…哈」夢晞毫不掩飾的嘲笑林家材

林家材無地自容，低下了頭站在陳一的背後，而陳一的臉也黑得像炭一樣





九叔輕輕一笑，然後拿出雙指放在「老友」的前額上

「聽聽話話」九叔跟「老友」說

「可以啦」然後又跟夢晞說

「唔該你九仔」夢晞終於正式開始解剖

而在夢晞解剖的過程中，林家材又多吐了兩次，但這在場的我們都沒有理會他，專注在解剖分析上





「由於屍體已經浸係海水裡一段時間，皮膚發脹腐化，所以唔能夠肯定身上嘅傷痕係生前定係死後所做成」

別見夢晞平時嘻嘻哈哈說什麼都不正經的，她一工作起來卻是專業到不得了

「死者全身多處都呈現綠色，屬於中度腐化，原因是係細菌開始分解血色素，皮膚會先呈現紅色，其後便會變綠色或啡色」

然後夢晞再拿起手術刀，從「老友」的胸口下刀，直開到肚皮位置

夢晞用手將割口打開，仔細的檢查內臟

「而內臟方面，器官都無咩大礙，唯獨肺部有水腫及膨脹嘅情況，氣管亦有泡沫分泌物，明顯死者落水個陣仍然係有呼吸」

「嘩….監生浸死…」啊仁多口說了一句，就換來九叔的一眼

啊仁馬上收口





「咁條友身上咁多傷，邊個係最致命㗎？」陳一問夢晞

「死者身上有多處瘀傷、勒頸以及其他明顯嘅傷痕，致命嘅應該係頭頂長達十二厘米、深五厘米嘅傷口，傷口深至入骨，以傷口嘅齊整度嚟睇，極大可能係刀、斧頭等嘅利器所傷，我估係兇手向佢個頭作出一下重擊之後再掉佢落海，而落海個陣死者係仲有呼吸」

「咁狼死…西狗條仆街真係當我地死㗎」陳一雙手撥起外套，叉著腰

「喂，你聽唔聽到？」啊仁問我

「聽到…佢話西狗」我點點頭

「嗯？？你兩個識西狗？」陳一將目光投向我們

「下？識？唔識！邊個嚟㗎」我清楚知道不可蹚上這潭混水，所以我馬上裝作什麼都不知





陳一再看向啊仁

「我？我都唔識啊，邊個咁奇怪會叫西狗啊」啊仁也跟著裝傻




「咁睇你兩條友都唔似古惑仔，不過你地都同我醒醒定定啊，如果唔係拉埋你地返去打鑊金嘅再算」陳一帶點恐嚇的語氣看著我倆

「陳警官，我諗你最好收返啱啱嘅說話」九叔聽不下去

「點呢？我有權請有嫌疑嘅人返去協助調查嘅」陳一走到九叔面前，跟九叔對望

「你啱啱嘅說話有恐嚇成份，絕對唔應該由你地公僕講出口」九叔再說，而手悄悄得放到解剖台上





「我中意講，咁點啊，如果我想嘅話，依家係到打你一身然後再話你擊警都仲得啊！！」陳一不知死活的戳了九叔肩膀一下

九叔淡然的點了下點，然後輕拍解剖台

呯的一聲！

解剖台上的「老友」就突然撲向陳一