［打鬥/靈幻/鬼怪］《輪迴。道》/《噬魂》我由古惑仔變咗做現代道士: 409《第二季》

「你唔洗理佢，食飯啦」九叔主動夾菜給洛兒

「係嘅九叔」洛兒遞上碗接菜

這時，夢晞突然說

「嘩！九仔！你偏心喎～我識你咁耐，你都冇夾過餸比我啊」

「啱啊，我一齊住咁多年，都好少見」葉靈居然也跟著夢晞一起「討伐」九叔





「嗯？！得得得，我夾」九叔秒第一秒也是錯愕，然後便給她們倆夾菜

「唔該你啊～九仔～」夢晞接過菜後得意的笑說

「到你」然後九叔再夾給葉靈

「唔該～九叔」葉靈也暗暗地笑著

「唉，你兩個衰女」九叔表面搖頭唉氣，但嘴角是上揚





也許，九叔跟英叔很久沒試過在這種氛圍的情況下吃飯，就像一家人熱熱鬧鬧的

「九叔！！我又要食菜！」啊仁不知發什麼神經，也要參一腳

「自己夾！」九叔盯著啊仁看，把啊仁嚇得差點掉碗

九叔對男生跟對女生的分別也太大了吧

「唔係喎九叔，我都想要條菜啊」平時較為正經的王奇也向九叔遞上碗





「你受咗傷，食件雞」九叔又真的夾了雞腿給王奇

「唔該九叔」

「咁啊，九叔！我都要啦！」啊武也貪好玩的跟上

「咁唔差在我啦！」我也總不能做異類吧

「你地有冇受傷？要食自己夾！」九叔決絕的說，然後自顧自的吃飯

「唔緊要！老野唔夾比你地，我夾！」英叔站起身子，逐一為我們夾菜

「唔該英叔～！！」我們幾個像大男孩一樣，傻傻在笑

「唉～成班大細路」夢晞笑我們





「依啲唔係叫細路！依啲叫熱鬧！」我反駁說

「佢十幾歲開始就係咁㗎啦，十年都唔變」洛兒笑說

「你地識咗十年？」平時冷酷的葉靈主動問

「中一個陣十二歲，到依家都十二年啦～」洛兒回答

「嘩～死仔，你同人一齊咗十二年仲唔同人求婚？！」坐在我旁邊的啊仁捉著我說

「識咗十二年姐！我中三先追佢㗎！」我故意把結婚的話題拉遠

「佢啊，佢以前係大肥仔嚟㗎」洛兒突然說出往事





原來在專心吃飯的葉靈聽到後偷笑了一下

「係喎妹頭，𡃁仔係你夢中情人嚟㗎喎，你見到人地咁甜蜜，唔嬲咩」英叔稍稍的的葉靈耳邊說

葉靈沒說話，偷偷伸手在英叔大腿上用力一扭

「嘩嘶！！！」英叔疼痛大叫

「做咩啊英叔？」我們全場人都被英叔的叫聲吸引了注意

「呃…..哈！冇事～我伸懶腰咋嘛」英叔張開雙手，裝作在伸懶腰的樣子

「整古做怪」九叔說

此刻的葉靈在一旁偷笑，然後眼睛偷瞄我一眼





就這樣剛好，跟我對上了眼，我們都尷尬的立刻低下頭吃飯

「洛兒啊，咁佢仲有冇咩瘀野講下，等我地笑下佢都好啊嘛！」夢晞主動的問洛兒

「有～！大把啊，我諗下可以講邊件先」洛兒托著下巴，回想著我做過的蠢事

「喂啊，你唔好講啲破壞我嘅形象嘅野啊」我連忙說

「我考慮下啦」洛兒得戚的笑說



「啊航，睇嚟你平時洛兒唔係幾好喎，咁想爆你大鑊」王奇這時還落井下石





「啊！我諗到啦，佢中二個陣又肥咗，搞到條運動褲超窄，去到上運動堂個陣啪一聲就爆咗呔，比啲同學笑咗成年」

洛兒一說完，大家都捧腹大笑，笑的前傾後仰的，連葉靈和九叔都不止偷笑，笑得見牙不見眼

「啊…救命啊….」我一手拍到自己臉上，擋住自己的臉，真的想找個洞鑽進去

「仲有㗎仲有㗎，佢啊，中三追我個陣啊，偷聽到我同同學傾計話中意花，佢竟然去花店買咗一束康乃馨比我」洛兒邊笑邊說，還不忙拉開我擋著臉的手，當著我面嘲諷我

「哈哈哈！！你搞咩啊陳天航 ，你當咗洛兒係你啊媽啊！？」啊仁也不錯過盡情嘲笑我的機會

「咁又真係難搞啲喎」王奇也不禁搖

「唔係啊，你地聽我解釋先！咁我個陣問我姨丈，我啊姨中意咩花，佢話我表哥以前送康乃馨比我啊姨，佢會好開心啊嘛，咁咪搞到我買咗康乃馨囉」我無奈的為自己辨護

「你依家點解釋都冇用㗎啦～」夢晞搖頭笑說

「唉…」我又再次擋著臉

之後洛兒又接著多說了幾件我做過的蠢事

「哈哈哈哈！！！喂！𡃁仔啊！估唔到你細個係咁㗎喎」英叔無情的嘲笑我

「航，今次真係連九叔都幫你唔到」九叔說完還冷笑了一下

「啊….」

「不過～佢都瘀唔曬嘅，中四個年，我地學校嘅化學室火燭，當時我同啲同學老師咁啱化學室嘅一間房仔裏面，門口又比跌落嚟嘅櫃頂住咗，個陣我地個個都以為自己死梗㗎啦，點知…..」

「唔係佢個衰仔咁英勇掛？！」啊武截住了洛兒的話

「係啊！真係佢啊！佢唔顧危險咁一個人衝入火場，抬起成個櫃，救曬我地所有人，仲要搞到自己膊頭同手掌都燒傷要留院」

「嘩…..唔怪得啲靚女比你追曬啦𡃁仔，英雄救美都出埋，洛兒都好難走得甩啦～」英叔向我舉起拇指

「係幾型嘅」葉靈用冷酷的語氣說出讚美的說話

「唔怪得我追唔到女仔啦….原來要咁嘅」啊仁也聽到呆了