［打鬥/靈幻/鬼怪］《輪迴。道》/《噬魂》我由古惑仔變咗做現代道士: 408《第二季》

「下？？帶埋我去？咁突然嘅」

然後這晚我就去接洛兒下班，洛兒聽到九叔主動叫我帶她出席晚餐後也嚇了一跳

「係啊，我都覺得好突然，不過唔緊要啦～橫掂我都想帶你去見下佢地」

「咁啊～好啦，我考慮下去啦」洛兒抬高頭，一臉傲嬌的說

這樣，我決定使出我的絕招！





就是抓她癢！！

「喂啊！哈哈！唔好擳我啊！！」洛兒「落慌而逃」

但我拉著了她的手

「你走唔甩㗎啦～」我一手捉著她一手抓她癢

砰！！我們顧著玩，太忘形，不小心撞到人





「唔好意思啊」洛兒還沒看到自己撞到什麼人就已經先道歉

「唔緊要～洛兒」是一把討厭的聲音

洛兒的老闆——段天

當然，他身後的跟尾狗羅東、管家習維、秘書媚娘依然是不變的跟在他身後

「段生！原來係你啊，唔好意思啊」洛兒知道是自己老闆，馬上再次道歉





「都話唔緊要啦～好彩你係撞到我咋～撞到其他人就唔係咁客氣㗎啦～」段天依舊是那陰陽怪氣的語調

「超…扮曬野」我自言自語的說

站在我身旁的洛兒是聽到的，所以輕輕用手踭撞一撞我

「哦～陳先生～一排冇見到，成個人唔同咗喎～」段天走近我，站到我與洛兒之間

當他靠近我時，我肯定的看到他鼻子動了一下，像動物嗅聞東西一樣

「嗯～的確係唔同咗好多～」段天露出詭異的笑容

「Boss！依條友係學….」羅東正想說話

「收聲！」段天舉起前臂，示意羅東閉嘴





「睇嚟～遊戲變得有趣啦～」




「咩啊…..」我看著陰陽怪氣的段天，擺出了厭惡的表情

「段生啊，唔好意思啊，我地行先啦」洛兒向段厭輕輕點頭，然後就把我拉走了

段天站在原地，繼續用那詭異的表情看著我，還不忘跟我揮手道別，這個人真的好奇怪

「喂啊！點解你次次見親我老細你都咁樣嘅！」洛兒帶點責備的態度問我

「唔知道！總之我就覺佢個人好奇怪，唔討好」我說





「唉….睇嚟要你入我公司做野都係冇咩可能㗎啦….」洛兒嘆息道

「遲啲先算啦～唔好比佢搞到我地唔開心，我地去食飯」然後我就拖著洛兒走遠

此刻，站在原地的段天依然跟他的手下在討論我

「Boss 啊，條友仔嘅血唔同曬」羅東繼續剛剛想說的話

「東啊～你覺得Boss會聞唔到咩？」管家習維笑說

「佢依家魚毛嚟㗎姐～不足為患」段天輕鬆的說

「佢都幾靚仔啊～」媚娘竊笑道





「媚娘啊～其實我都幾靚仔㗎，嘻嘻」羅東走到媚娘身旁，擺出露齒笑的表情

「死開啦」媚娘看到羅東猙獰的面孔後，馬上皺眉轉過了面

「好啦～我地仲有野做～行啦」

……..

「喂衰仔！到未啊？我同啊武係樓下啦」啊仁跟啊武都比我早到了象山

原因不是什麼，正是我身旁的歐陽洛兒小姐，總是喜歡拖到最後一秒才出門

「轉個彎到啦，催催催！」我一手拖住洛兒，一手拿著電話，急步的走著

「又轉彎？！轉咗十九幾個彎啦你！一陣比九叔鬧唔關我事啊」





「咪見到你囉！！嘈嘈嘈！」我真的只欠一個彎就到

「夠曬鐘啦！死仔」啊仁再度抱怨我遲到

「唔好意思啊～係我遲咗出門，所以先會遲㗎」洛兒主動跟他們道歉

「哦…哦～咁又唔緊要，遲少少姐」啊仁一看到我身旁的洛兒，態度馬上轉變

「你唔洗理佢，佢平時遲到我都等佢唔少！」我拉一拉洛兒的手

「嗱，你唔好係啊嫂面前詆毀我嘅形象啊吓」啊仁撥一撥自己的頭髮

「…..你做咩姐」我看著他

「你就係洛兒啊呵，唔好理佢，佢一見到女仔就係咁，我叫啊武」啊武推開發神經的啊仁，主動自我介紹

「哦～你就係啊武，真人真係好大隻，佢成日話你成個巨人咁」洛兒笑說

「我呢我呢？佢有冇講我啊？我係啊仁啊」啊仁興奮的問

「呃….佢呢～」洛兒不敢亂說

「好啦，又話遲驚比九叔鬧，上去啦！」啊武搭著啊仁的肩膊把他拉走，成功為洛兒解圍

「哈～佢真係同你講嘅一模一樣」洛兒傻笑的看我

「一樣咁戇鳩啊嘛」我笑說

「喂啊！你唔好咁話人啦」洛兒打了我一下

叩！叩！叩！

「𡃁仔！你地咁遲㗎！」開門的是英叔

「遲到好過冇到啦！」我說

「齊人啦齊人啦！開飯！」

我一步入飯廳，便看見王奇已經坐在餐桌前

「魚嚟啦！都算係啱啱好啦」然後就到夢晞從廚房內端了一碟蒸魚出來

今晚這頓晚餐，比我想像中熱鬧得多

「妹頭！！食得啦！」英叔向房間方向叫

「聽到啦！嚟啦」葉靈這時亦從房間內出來

「今餐飯就齊人啦～開開心心啊」英叔說出了我裏的話

「九叔食飯，英叔食飯，大家食飯」

「𡃁仔啊，依位就係～你女朋友？」英叔看著洛兒

英叔這樣一問，夢晞、葉靈同時看向我

「係啊，佢就係洛兒啦」

葉靈和夢晞也重新低頭食飯，氣氛有一種莫名的尷尬….

「洛兒，我係英叔啊，係𡃁仔嘅師伯～，叫聲師伯嚟聽下～」英叔向洛兒「下手」

「係嘅～師伯」洛兒出了名是最得長輩歡心的

「乖～」英叔開心的笑了