［打鬥/靈幻/鬼怪］《輪迴。道》/《噬魂》我由古惑仔變咗做現代道士: 581《第二季》

「好啊」陳天航順意的伸出手

「武烈！捉實𡃁仔！」

「係！」二人異口同聲的回答並同時上前抱著陳天航

「乾坤開眼，眾邪速避！撤！」

英叔一個刺步跳到陳天航面前，用手指夾著他的中指





但….陳天航毫無反應

「冇…冇反應？」英叔呆住站在原地

「英叔，我要有咩反應」陳天航若無其事的問英叔

「呃….哈，冇…冇啊，玩下咋嘛」英叔退回一步，抓抓頭尷尬的裝作無事

「冇事就好啦」陳天航走近坐在地上的葉尚生





「你想做咩？」葉靈擋在陳天航的面前

陳天航沒有回答，更是用手撥開葉靈，然後竟是伸手給葉尚生將他拉起

「唔該」葉尚生用懷疑的眼神看著陳天航

陳天航沒理會，轉身看著畫龍戟

「人類擁有上古靈器…」他輕輕聲的說了句





鏘！！陳天航竟用單手抽起了畫龍戟並將龍戟遞回給葉尚生

而且龍戟並沒有彈出刀片來排擠他

「𡃁仔你….」

眾人都用不可思議的眼神望著陳天航，但連英叔也查不出端倪，大家又沒有什麼證據證明現時的陳天航有問題，也只能沉默

「我想入去搵少少野」陳天航突然加快腳步走進了英叔的房間

「喂！𡃁仔你做咩啊！」英叔果斷想上前拉著他

但陳天航已破門而入

「𡃁仔short 咗啊！快啲幫手拉住佢！」英叔大叫





「喂啊航！」啊烈啊武等人也馬上跟上想一起捉著陳天航

「你搵咩啊𡃁仔！我有好多珍藏㗎！你唔好整爛啊！！」

英叔飛撲向陳天航，但被其一掌推開

「鳴嘩！！」英叔整個人往後飛倒

他又剛好倒到追來的啊烈啊武身上

「哎呀！！！」

「英叔你好重啊…..起身」啊烈拍打英叔的身體說





「航，到底你搵咩？」九叔也忍不住問

但陳天航依舊沒發聲，直至他在英叔房間中找到一件衣服才停下動作

「係你啦」陳天航拿起那破舊的衣服

「𡃁仔啊！你搵得咁辛苦就係搵霍老大件爛衫啊？？！玩咩啊！」英叔剛在啊武啊烈的幫助下站起

但又被衝出房間的陳天航再次推倒，而下方的啊武啊烈又再次遭殃

「啊！！」啊武啊烈慘叫

陳天航衝出房間後更是撞開門前的九叔，再奪門而出，跑了出外面走廊

「靈、生！追，睇下佢咩事」同樣倒地的九叔指示二人追上





「係！！」二人聽令追隨

但二人剛跑到門外，外面就傳來噼啪一聲

「咩事！」九叔問他們

「佢一出嚟就暈咗」葉尚生說

「搬佢入嚟！」九叔緊張的說

「咩話？暈咗？𡃁仔搞咩啊」英叔又再次在啊武啊烈的幫助下站起，而啊武啊烈二人就終於脫苦海

「嘩….點解英叔會咁重….」啊烈起來就馬上鬆展筋骨





「睇下啊航咩事先啦」啊武則較擔心陳更航情況

葉靈和葉尚生將陳天航抬回屋內

「等陣…」但葉靈突然發現一樣事

「妹，做咩？」葉尚生問她

「啱啱佢手拎住個件衫….唔見咗」葉靈指出

「係喎，搞咩啊」英叔走近

「我出去睇下」葉尚生再次走出門外查看

他發現走廊地上沒有，他更把頭探出欄杆外查看有否掉到平台下

但都沒有

霍鎮海的衣服就這樣消失了

「件衫唔見咗….」葉尚生回去跟他們報告這事

「咁奇怪….」英叔抓著後腦勺，想不透是何事

………….

兜率宮的煉丹房內

嗖！！！

「你去咗邊…」我問剛回來的祝融

「依層，師父你唔需要知」祝融帶著邪魅的笑轉身走了

他轉身後，我就看到他手上多了一件破舊的衣服

這衣服我好像在哪見過….是神力——霍鎮海的衣服

他拿著要做什麼…..