梁玥嘉嘅雙手自然地抬起放到宋千辰嘅腰上,輕輕用力捉住咗佢咗裇衫,成件事完全係兩個人嘅預料之外

「夠啦!」邱凱棠忍受不了,雙手握緊拳頭,捉住咗自己嘅校裙

聽到邱凱棠嗌停,宋千辰同梁玥嘉嘅吻戲都隨之而停落嚟,梁玥嘉嘅胸口不斷起伏着,啱啱嘅吻令佢差啲透唔到氣,佢嘅雙手仍然捉住宋千辰嘅裇衫

「你咁厄我感情!」邱凱棠惱羞成怒咁紅着眼眶講道

「我冇厄你,只係冇人問我先冇講自己有女朋友。」宋千辰平靜地講道,佢伸手拖住梁玥嘉嘅手,做戲做全套



「你好嘢!」邱凱棠紅着眼眶講道,狠狠地瞪咗梁玥嘉一眼之後轉身就走

確定邱凱棠已經走遠之後,宋千辰瞬間鬆咗一口氣,然後鬆開咗梁玥嘉嘅手

「呼⋯搞掂⋯Thank you你啦!」宋千辰有啲尷尬咁望向梁玥嘉,因為啱啱嘅事,佢唔知要點樣面對梁玥嘉先啱

宋千辰見梁玥嘉嘅臉頰紅彤彤咁,雙手緊握着拳頭,咬着唇

「嘉嘉⋯?」宋千辰小心翼翼咁嗌咗一聲,豈料梁玥嘉狠狠地瞪着佢,然後用力踩咗佢一腳,「呀!嘶⋯」



宋千辰瞬間微微彎下腰,梁玥嘉嘅一腳令佢成隻左腳麻痺咗,嗰種麻痺嘅感覺傳遍整隻腳

「你做咩踩我呀!」宋千辰望向梁玥嘉,只見梁玥嘉鼓起兩泡腮,皺住眉頭瞪住佢

「宋千辰你好討厭呀!」梁玥嘉喊道,「你還番個初吻比我呀!」

「我都唔想㗎!我都冇諗過佢要我證明㗎嘛!」宋千辰嘗試解釋道,但梁玥嘉始終死死瞪住佢,「嗰個究係我嘅初吻咯!」

「衰人!憎死你呀!哼!」梁玥嘉用力咁打咗宋千辰一下之後就跑走咗,宋千辰一個人企喺原地一臉無奈



就係由呢一日、呢一個吻開始,兩個人就變得好尷尬,見到面嘅時候都會因為諗番起呢個吻而唔敢對望;雖然仍然好似平日一樣一齊番學一齊放學,但係兩個人之間就變得特別唔自在,企埋一齊嗰陣都會覺得尷尬而要分開企

兩人因無心插柳而獻出嘅初吻成為咗一切嘅開端⋯

宋千辰行番房換衫,腦海中全都係嗰日嘅事

「一直咁尷尬都唔係辦法⋯」宋千辰心諗,「要諗個方法先得⋯」

喺隔離B室嘅梁玥嘉換番居家服,佢蹲喺書包前將功課File同筆袋拎出嚟,因為宜家先4點幾,距離食飯仲有一段時間,所以打算拎功課過去做

正當梁玥嘉要企起身準備過去A室嘅時候,腦海中忽然閃過佢同宋千辰Kiss嘅事,梁玥嘉瞬間無力企起身,佢將頭埋靠喺雙膝之間

「一諗起,個心就跳得好快⋯」梁玥嘉喺心中講道,臉頰都慢慢熱起嚟

過咗一陣之後,梁玥嘉都係企咗起身,拎埋鎖匙電話就過去隔離㩒鐘



「叮噹~叮噹~」門鈴響起,宋千辰行去開門比梁玥嘉

一打開門,兩人四目交投,然後又尷尬咁避開視線,梁玥嘉行入屋,將人字拖除低放喺鞋櫃前面,換上佢喺宋千辰屋企嘅專屬睡拖,攬住筆袋同功課File行到梳化前,將筆袋同功課File都放低喺茶几上

宋千辰將厚重嘅深啡紅色木門閂上,行到入屋內已經見到梁玥嘉準備坐喺地下,喺茶几前面打算做功課

「嘉嘉⋯」宋千辰小心翼翼地嗌道,梁玥嘉嘅拎功課出嚟嘅動作明顯停頓咗一下

「嗯?」梁玥嘉望向宋千辰,腰神裏仍然有蹲尷尬

「嗰日對唔住,我真係冇諗到佢要我證明,而呢個又係最快最直接證明比佢睇嘅方法⋯」宋千辰盡力咁解釋着,「唔好嬲我⋯」

「冇嬲⋯咁我話咗幫你⋯」梁玥嘉移開視線,微微耷低頭,「只係有啲尷尬⋯」



宋千辰都明白梁玥嘉所講嘅尷尬係尷尬喺邊,的確宋千辰自己都覺得好尷尬唔知點面對梁玥嘉先啱

「如果話拖手,都可以當好似以前細個咁⋯」梁玥嘉講道,下一句嘅時候聲量愈嚟愈細,「但錫嘅話⋯邊有得當⋯」

「當嗰次係個誤會啦⋯都錫咗咯⋯」宋千辰無計可施,唯有咁樣講

「咁⋯唔錫都錫咗啦,仲可以點啫⋯」梁玥嘉望咗宋千辰一眼,無奈咁講道

梁玥嘉打開筆袋拎咗支藍色原子筆出嚟,打開咗英文教科書同一本淺藍色嘅短簿,掀去全新嘅一頁

新一頁嘅單行紙上仲殘留咗上一次寫嘅字嘅痕跡,可以睇到前一頁寫咗啲咩

宋千辰坐喺梳化上面睇手機,望住梁玥嘉喺度做功課

「喂,咁我地係咪好似以前咁?」宋千辰彎下腰,用腳輕力地踢咗梁玥嘉一下



宋千辰踢中咗梁玥嘉嘅右邊手臂,梁玥嘉嘅右手向前郁咗一下,本來掂住喺紙面上嘅原子筆滾珠直接向前滑,劃咗一條長長嘅藍色線出嚟




IG Link: https://www.instagram.com/nd_cotttoncandy/?hl=zh-tw