［愛情純愛］由嗰一個Kiss開始，我地唔再係青梅竹馬: 50. 奶茶

啡紅色嘅大門「咔」一聲打開咗，著住居家服嘅梁玥嘉打開門迎接宋千辰⋯買嚟嘅珍珠奶茶

「嗱！Thank you～」梁玥嘉拎起裝住珍珠奶茶嘅膠袋同時將錢放到宋千辰嘅手中

宋千辰見到梁玥嘉嘅笑容，嘴角就自動上揚

宋千辰行番去A室嘅單位大門前，拎出鎖匙開門，推門進家

梁玥嘉閂咗門之後，第一件事係番房，將珍珠奶茶放喺枱面，幫佢喺IG影咗張相po喺只有close friend睇到嘅story，寫下caption：「My bubble tea～」



影完之後就係飲咗一啖，然後繼續寫後日要交嘅LS essay，有珍珠奶茶嘅陪伴，腦袋都會清晰啲、轉得快啲

「呀⋯諗唔到point呀⋯」梁玥嘉托住腮，手上拎住藍色嘅pilot牌原子筆，枱上放住Pentel牌幼身版嘅塗改液，「廣泛性、可行性同針對性都寫咗⋯駁論寫咩好？點解12分題咁麻煩㗎！」

梁玥嘉坐好起嚟，飲咗一啖珍珠奶茶，就好似要為自己打氣一樣，然後一臉認真、正經地坐好繼續埋頭苦幹地寫佢最唔擅長嘅LS essay

⋯

「呀⋯終於做完啦！」經歷咗45分鐘嘅梁玥嘉終於做完呢份挑戰滿滿嘅功課，「到時DSE點算啦！我個腦要轉快啲先得⋯」



梁玥嘉放低筆，新鮮出爐嘅essay放喺枱面，完成功課後嘅第一件事就係要以頹廢嘅姿勢坐着然後睇手機

一手拎住手機，一手拎住珍珠奶茶，對梁玥嘉嚟講可以稱得上係relax嘅狀態

「原來千辰send咗嘢比我～」梁玥嘉一拎起手機就見到嚟自宋千辰喺IG嘅message notice，而且仲係32分鐘前嘅message

「邊個咁好幫你買珍珠奶茶？」宋千辰嘅message寫道

梁玥嘉見到之後不禁失笑，佢呢個青梅竹馬太可愛，見到自己po咗IG就要衝出嚟認叻一樣



「好似係一個男仔買比我」梁玥嘉開玩笑一樣回覆道

本來梁玥嘉諗住先邊睇下其他嘢，邊等宋千辰回覆，但冇諗到宋千辰好似隨時stand by一樣，瞬間就秒回梁玥嘉

「咁佢一定係個心地善良嘅靚仔」宋千辰回覆道

「夠啦夠啦，你唔好再讚自己啦⋯」梁玥嘉見宋千辰又要開始讚自己便連忙打斷佢，邊回覆邊到床上懶洋洋地灘着，「要喺你繼續講啲咁厚面皮嘅說話前打斷咗你先⋯」

「咁中意飲珍珠奶茶，肥死你」宋千辰覆咗一個笑喊同一個反白眼嘅emoji

「唔會囉好嗎」梁玥嘉回覆道，「我突然間想飲咋嘛，我唔係成日飲㗎～都係間中買嚟飲啫」

「係喎係喎⋯仲要發現宋千辰今日要留堂，佢番嚟嘅時候叫佢買比我飲咪得囉～」宋千辰無奈地回覆，「你一定係咁諗」

「我冇咁諗～」梁玥嘉笑了笑便回覆道，順便拎起放喺枱面嘅珍珠奶茶飲咗一啖，幫拎喺手上嘅珍珠奶茶影咗張相send比宋千辰睇



「你一定係咁諗囉，我太了解你」宋千辰回覆講道，「你就唔了解我啦⋯」

梁玥嘉見到宋千辰嘅回覆時，心裏暗自歡喜，的確，宋千辰的確係好了解佢，佢嘅口頭禪、一舉一動、開心時唔開心時會做咩⋯宋千辰都知道得一清二楚

「點解好似講到得你了解我咁⋯我都好了解你」梁玥嘉嘅微微嘴角揚起

「係咩？」宋千辰問道，見到梁玥嘉回覆自己都了解佢時，自然地笑了笑，「唔覺嘅？」

「大家識咗咁耐，講呢啲」梁玥嘉喺句子嘅最後加咗一個笑喊嘅emoji之後先再send出去

「唔講呢啲講邊啲？」宋千辰問道

「話說，你打算Jupas放咩喺Band A」梁玥嘉忽然間心血來潮問道



「做咩突然咁問？」宋千辰見梁玥嘉忽然咁樣問起覺得有啲愕然，「其實我都仲諗緊，未肯定放咩」

宋千辰行出房打算去廚房拎嘢飲，但因為唔想錯過梁玥嘉任何一個訊息而拎住手機一齊出房

「咁你諗住放咩科」梁玥嘉追問道，宋千辰剛好打開雪櫃就見到梁玥嘉send咗message過嚟比佢

「如無意外應該會揀藥劑，暫時嚟講」宋千辰回覆道，一直以嚟佢都有將來做藥劑師嘅打算，所以會揀藥劑都係意料之內嘅事，「你打算放咩」

「其實我都未諗好A3放咩，但A1、2會擺Nursing」梁玥嘉喺大學揀科上都冇咩太多嘅猶疑，畢竟係一早就決定好嘅事，只差在A3要放啲咩，諗好A3之後，Jupas揀科最重要嘅Band A就完成，「好啦，唔好講啲咁沉重嘅話題啦⋯講下其他嘢啦⋯」




IG Link: https://www.instagram.com/nd_cotttocandy/?hl=zh-tw