［愛情純愛］由嗰一個Kiss開始，我地唔再係青梅竹馬: 49. 故意

「5點啦！」楊楠恩瞬間孭起書包，喺55分嘅時候佢已經執好嘢，安靜地等待5點鐘嘅來臨

圖書館嘅時鐘顯示住宜家嘅時間係5點正，楊楠恩孭起書包離開座位，往圖書館嘅門口行去，急步落樓梯，當去到二樓同一樓樓梯嘅交匯平台嘅時候，楊楠恩停咗落嚟，企喺上二樓嘅梯級上，雙手扶住扶手，偷偷探頭望落一樓

「唔知佢走未呢⋯」楊楠恩細細聲地喃喃自語，雙眼一直注視着一樓，由梯楠恩企緊嘅位置望落去，只要上半身靠着扶手欄杆望出去嘅話，都可以見到禮堂嘅兩邊大門

呢個時候一個身影走過，經過咗禮堂門口，楊楠恩一見到即刻就緊張起嚟，即刻就邁步行落去，行到對方身旁；呢個人就係楊楠恩想要「偶遇」嘅對象—宋千辰，楊楠恩喺心中默默喊咗一句：「係好機會！」

「嗨～」楊楠恩輕拍宋千辰嘅博頭，臉上掛着微笑



「嗨。」宋千辰似乎對於楊楠恩嘅出現並唔覺得意外，什至冇咩感覺，只係淡然地講咗一個嗨

兩人隨即就靜咗落嚟，宋千辰直接就落樓梯，都冇在意楊楠恩；楊楠恩雖然覺得有啲尷尬，但係佢都急步行到宋千辰身旁同宋千辰一同踏出學校門口

「你今日留堂呀？」楊楠恩仍然帶着招牌微笑問道

喺大家眼中楊楠恩都係溫柔嘅女仔，而且體貼、細心，最好嘅條件佢都有齊，喺人前完全就係一個善良無害嘅人

「嗯。」但顯然地，宋千辰唔太受落一樣



「玥嘉冇等埋你咩？」楊楠恩繼續努力地製造話題，「你地平時都一齊走。」

「叫咗佢番去先，唔洗等我。」宋千辰嘅視線仍然只停留喺手機上面，都冇正眼望過楊楠恩

「平時宋千辰好似都唔係咁⋯今日咁少嘢講咁嘅？」楊楠恩默默地望咗宋千辰一眼同時喺心中有啲失望咁講道，「平日佢都會同穎容講嘢㗎⋯會唔會係只係因為我地唔熟⋯？」

宋千辰同楊楠恩又靜咗落嚟，宋千辰都唔太在意似的，一直望住手機嘅螢幕

「我仲以為玥嘉同你咁friend一定會等埋你添～」楊楠恩微微一笑講道，楊楠恩見宋千辰冇反應便又開口講道，「玥嘉份人真係好可愛喔可～成日都好似開心果咁樣。」



「嗯。」宋千辰回答，正當楊楠恩以為宋千辰又係只答一個嗯嘅時候，宋千辰又開口，「佢不嬲都係。」

楊楠恩留意到宋千辰嘅視線從手機嘅螢幕上移開咗一秒，雖然只係一個好短暫嘅時間，但楊楠恩留意得一清二楚

「玥嘉性格咁好，一定好受男仔歡迎啫～」楊楠恩嘅講道

「嗯⋯」宋千辰今次嘅回答唔似之前一樣果斷，反而有啲猶疑

宋千辰嘅內心都有啲猶疑不定，佢都唔知道梁玥嘉真係受歡迎嘅話係好事定壞事，係好事嘅話係因為代表宋千辰好眼光，中意咗一個大家都覺得好嘅女仔；唔好嘅話就係因為多人中意梁玥嘉，代表競爭大咗

「不過玥嘉多人中意其實都唔出奇呀～」楊楠恩微笑着講道，好似只係陳述緊一個事實一樣

「嗯。」宋千辰淡淡地望咗楊楠恩一眼

楊楠恩感覺到有一股冰冷嘅氣場逼近，佢頓時唔敢再講啲咩，只係以微笑示人



「係呢，你行邊一邊番屋企？」楊楠恩好奇地問道，想睇下自己同宋千辰係咪行同一邊

「我行另一邊。」宋千辰抬起頭望一望講道，然後就直接轉向左邊嘅路行

「哦⋯拜、拜拜⋯」楊楠恩窒咗一下，然後微微笑講道

望住同自己行相反方向嘅宋千辰，心中有啲唔開心同失望，本來仲以為可以同宋千辰一齊番屋企，點知宋千辰行另一邊，大家唔係同路人

「咦⋯？」楊楠恩忽然記起啲嘢，佢企喺原地望向宋千辰嘅背影，心中有啲疑惑地望向自己面前嘅路，「上次佢同玥嘉唔係行呢度番學㗎咩？上次佢同玥嘉明明係行呢邊番學㗎⋯」

楊楠恩望住眼前嘅大路，再望向宋千辰行嘅左邊，失落湧上心頭，但好快又不忿氣地原地跺腳，扁起嘴

「唔通佢真係討厭我？」楊楠恩喺心中諗，淨係咁樣諗一諗都覺得唔服，轉眼又嘆喺一口氣並安慰自己講道，「算啦算啦，可能真係因為我同佢唔熟，佢未了解我啫⋯」



宋千辰行咗另一條番屋企，宋千辰收起手機抬頭望到佢辰去嘅地方—一間手搖飲品店

「唔該，要杯珍珠奶茶。」宋千辰企喺收銀處前面對著住制服嘅女職員講道

「洗唔洗少甜少冰？」女職員喺觸控嘅電腦屏幕上㩒咗幾下之後問道

「唔洗。」宋千辰回答道

職員幾珍珠奶茶同一支粗飲管放入去一個長型嘅膠袋中然後遞比宋千辰，宋千辰冇即刻將飲管插入去杯蓋似的嘅薄膠膜，而係拎住佢番到去屋企

宋千辰唔係企喺A室門口拎鎖匙開門，而係企喺B室嘅門口，㩒下門鐘，聽到屋內傳嚟由近到遠嘅「噠噠噠噠」聲






IG Link: https://www.instagram.com/nd_cotttocandy/?hl=zh-tw