［愛情純愛］由嗰一個Kiss開始，我地唔再係青梅竹馬: 136. 幸運手繩

梁玥嘉望住宋千辰send過嚟嘅message，不禁紅了臉頰，同時不禁笑起嚟

梁玥嘉：我問你做咩咋嘛，邊有話我掛住你

宋千辰：通常問得人做緊咩，都係因為掛住人先會咁問

梁玥嘉比宋千辰講嘅嘢逗笑，但佢心中掛住宋千辰都係事實嚟，不過梁玥嘉又唔想直接承認自己真係掛住宋千辰

梁玥嘉：你猜呀～



梁玥嘉嘅答案模棱兩可，宋千辰收到嘅時候，默默地揚起嘴角

「明明係又唔講⋯」宋千辰無奈地笑道，「真係識撩人～」

宋千辰拉開右邊嘅櫃桶，拎出放喺櫃桶入面遲遲都未比到梁玥嘉嘅禮物盒

「唉⋯」宋千辰獨自嘆一口氣，緩緩將盒蓋向上拉起，望住放喺盒中嘅掛着一粒瑠璃紺色嘅珠子嘅銀色手鐲，「幾時先可以將佢交比你⋯？」

宋千辰抬起頭望住天花板，不禁又嘆一口氣



「心煩意亂呢⋯」宋千辰柔聲講道，「中意你⋯」

⋯

「我話你知呀，今日考Bio我一定順順利利！」梁玥嘉充滿信心地講道，臉上仲掛住笑容

「做咩突然咁有信心？」宋千辰笑了笑問道

「因為琴日我地一齊溫書呀～然後我今日又戴咗我嘅幸運手繩囉～」梁玥嘉朝宋千辰笑一笑後便移開了視線，佢覺得咁樣當面同宋千辰講呢啲嘢有啲難為情



「嘻⋯」宋千辰細細聲地笑咗一聲，手放到梁玥嘉嘅頭上，「加油。」

梁玥嘉微微一顫，臉頰上泛起淡淡嘅紅霞，心臟正強而有力地「撲通、撲通」叫着；梁玥嘉悄悄地抬眼望向宋千辰，只見佢臉上掛着溫柔嘅笑容

「嗯！」梁玥嘉點點頭，「我地一齊加油！」

考完咗Bio之後，今日要考嘅卷就考晒，咁樣就完咗呢一個星期嘅考試，考埋下個星期，畢業試就真係結束

落到地下嗰層嘅時候，宋千辰企喺一旁等埋梁玥嘉，梁玥嘉喺樓梯落緊嚟，望到宋千辰之後苦笑起嚟

「點呀？」宋千辰問道，「Okay嗎？」

梁玥嘉冇即刻回答，宋千辰望住梁玥嘉，見佢苦笑着， 心裏有啲擔心佢，但又覺得梁玥嘉應該唔想佢再問，畢竟可能啱啱考嘅時候遇到重重困難⋯

「噗⋯！」梁玥嘉突然笑出聲，宋千辰疑惑地望住梁玥嘉，「我挽下咋！我戴咗幸運手繩，一切當然順利啦～」



原來梁玥嘉啱啱係故意擺出沮喪嘅模樣逗宋千辰，宋千辰聽完梁玥嘉嘅解釋後，心裏鬆咗一口氣同時又有啲無奈

「勁啦，挽我啦宜家！」宋千辰無奈地伸手輕輕敲咗咗梁玥嘉嘅額角一下

「好快就考完試啦～」梁玥嘉伸一個懶腰，望向宋千辰，佢嘅說話似乎有弦外之音

「嗯。」宋千辰抬起頭望向天空，然後又望向梁玥嘉，「好快就可以去挽啦！」

「嗯嗯！」梁玥嘉笑了笑，點一點頭，心裏道：「唔通佢聽唔明我想講啲咩⋯？」

宋千辰伸咗一個懶腰，感覺上考完第一個星期試輕鬆咗唔少，畢竟已經考完大部分科目嘅主卷，剩低落嚟嘅都係唔洗點溫書嘅試卷，感覺真好

宋千辰不自覺地望向梁玥嘉，梁玥嘉嘅臉上掛着淡淡嘅笑容，處於輕鬆嘅狀態一樣，見到梁玥嘉嘅笑容，宋千辰嘅嘴角都自動上揚起嚟



「笑咩呀？」梁玥嘉見到宋千辰嘅笑容便好奇地問道

「冇咩呀～」宋千辰聳肩，笑了一笑，望向梁玥嘉，心裏不禁又道：「因為見到你嘅笑容呀～」

「要唔要一齊去食嘢？」梁玥嘉提議道，「定你想番去一齊溫書？」

「都要食完嘢先有力番去溫書㗎～」宋千辰婉轉地答應咗梁玥嘉一齊去食嘢嘅提議

兩人去咗food court食嘢，食完嘢之後順便喺附近行一陣

「你真係打算今日唔溫書？你唔好講大話喎～」梁玥嘉心裏有啲擔心，「唔好為咗行下而唔溫書！」

「一日咁長，唔通行到夜晚10點咩⋯」宋千辰無奈地講道，「反正都完咗頭一個星期啦～Hea一下都唔緊要嘅～」

「咁好啦⋯」梁玥嘉猶疑着點頭，「想番去溫書嘅話一定要同我講！」



「知啦知啦⋯」宋千要沒好氣地笑了笑




IG Link: https://www.instagram.com/nd_cotttoncandy/?hl=zh-tw