《波唔是咁踢的》: 1

「開波啦，豪仔⋯⋯快啲沖埋個涼出黎睇啦！」

「今晚曼聯對維拉，雲佩斯正選上陣啊！豪仔⋯⋯」

「等多兩分鐘，我洗埋個頭就出嚟！」

「叫咗你早啲沖涼先，又唔聽講嘅⋯⋯」

「費事等你，我自己睇住先！」





「豪仔，沖完涼順便喺雪櫃拎兩支嘉士伯俾我，早排買咗幾支，唔飲就過期啦。」

「得啦！知你次次都要㗎啦！」

明叔淨係鍾意飲嘉士伯，因為曼聯嘅啤酒贊助就係嘉士伯，為咗支持愛隊，明叔淨係會買嘉士伯。

「入咗啦！入咗啦！唔駛十分鐘，雲佩斯就開齋，真係架勢。」

「就得啦，雲佩斯等等我啊！」我喺心入面講。





「我出黎啦！」

「終於沖完涼啦咩？唔好講咁多，快啲坐低睇。」

我擺低兩罐啤酒，然後就眼都唔眨咁望住部電視。

唔使一陣，下一個入波又出現。

嚟到11分鐘，曼聯成功阻截咗維拉嘅攻勢，然後一個傳波交咗比前面嘅朗尼。





精彩嘅嚟啦，朗尼突然之間一個靚傳，完美咁打破左越位陷阱，交咗比企喺前面嘅雲佩斯。

雲佩斯連波都唔使控，直接一個凌空抽射入網，成個動作唔使5秒，佢好似知道入緊咁，毫不猶豫咁射入，成功梅開二度。

呢球睇到我哋兩父子都哇一聲

「雲佬真係好勁啊！」

「老竇，將來我大個都要好似佢咁勁！」

「豪仔，記住同我俾心機練波，老竇實撐你嘅。」

「豪仔，你要記住做咩事都要認真，讀書又好、踢波又好，都唔可以衰比人睇。」

「默默耕耘付出，最後一定會有人睇到。」





「我明啦，老竇。」

「豪仔，終有一日，你會做到嘅。」