踢到六點幾,我地已經攰到訓曬喺地下。

「夠鐘去食嘢啦,走先。」強仔春風得意咁講。

「 你睇下佢,笑淫淫咁。」明仔有啲羨慕又有啲妒忌。

「記得戴套啊!」輝少大嗌,大聲到球場出面條街都聽到。

「大佬,使唔使咁大聲呀!」





「我正人君子,絕對唔會做啲咁嘅嘢!」強仔好緊張咁反駁。

「得啦、得啦!聽日見啦,唔阻你!」我道。

「咁我行先啦,聽日見!」強仔揮著手同我哋講。

「強仔要去食飯,你哋兩個毒撚唔使掛?」我問。

「唉……唔好提,上禮拜先俾人飛咗。」明仔嘆曬氣。





「難怪佢啱啱咁不悅啦,今日仲當住大家面屌9咗我一鑊,算數!當你兄弟先唔同你計。」我心諗。

「女死仔還在,你仲有我地㗎嘛!」輝少道。

「乜你咁Gay㗎?」明仔笑住咁講。

「今個禮拜第一次見你笑,笑番咪好囉。」

「遲下介紹個俾你。」輝少道。





「係咪嫁?咁好……」

「呃你有錢賺咩?知你血氣方剛啦!咸濕仔!」

睇住佢哋嘅身影,諗起我地又老咗一歲,剩番唔夠一年時間,唔知畢咗業之後仲可唔可以好似宜家咁……
已有 0 人追稿