那些年，我等待的那個男孩子: 9

“嗶嗶嗶嗶!!嗶嗶嗶嗶!!!”
 
新學年開始啦，我換上寶藍色長衫校服，扎左一對麻花辮，扣上校章，我終於去到第一志願到讀書啦
 
準備出門口時，望一望佢送俾我嘅羊駝公仔鎖匙扣，我望住佢，佢又望住我。於是我將呢隻粉紅色羊駝扣係書包上，佢陪我一齊上堂返學
 
升左中學嘅我，已經搬左去舊居附近一個新落成嘅屋苑，ba b都買左個小鋪位去開左間診所。
 
我落左巴士之後，就見到好多同我一樣著長衫嘅同學一齊行返學，不過呢d師姐一去到學校附近就開始緊張起上黎，愈近學校佢地就愈緊張，而當我踏入校門果時，我再一次遇上佢
 




「妳!!點解唔扎好辮!!!」 「妳!!!頭髮做咩咁亂!!!」 「妳!!有冇熨好校服!!」
 
係我眼前出現左呢個訓導主任，就係我4年級係學校遇上果一位，我俾佢嘅氣場再一次嚇到企定定
 
有一位大師姐拍一拍我膊頭
 
「小妹妹，妳係中一新生呀?」
 
「我…係呀…」
 




「果個係Miss 孔，我地學校嘅訓導主任，綽號恐怖雞，妳校服著得唔好，會俾佢當眾用獅哮功鬧架」
 
「知…知道啦…唔該大師姐」
 
大師姐望一望我套校服
 
「嗯…妳著得幾好，冇咩問題，妳放心返學啦」
 
「唔該哂….」
 




「我行先啦，拜拜」
 
當我行入校門時，已經見到不下二十個師姐罰企係到，俾Miss孔捉緊佢地校服，正當我以為自己可以逃脫果時……我先知道，我仲慘過中獅哮功
 
「西區官立小學升上黎果位同學!!!林雪凝!!!!」
 
「係!!!」
 
Miss孔咁樣一講，我就吸引左全部師姐嘅目光
 
我耷低頭，完全唔敢望Miss孔