那些年，我等待的那個男孩子: 10

佢上下打量我套校服，係到不停搵錯處，而我就俾佢嚇到腳震
 
Miss孔連我對麻花辮都檢查埋
 
「幾好，第一次著校服著得唔差」
 
「多…多謝Miss孔」
 
「妳真係做到，第一志願入黎我地學校」
 




「係…」
 
「不過我2年前已經估到，林雪凝，西區官立小學，連續6年全級第一、模範生，妳咁樣，好難入唔到我地學校」
 
「多…多謝Miss孔，我…返課室先啦」
 
當我想行開果時…我俾佢叫停左
 
「咪住!!!」
 




「係…」
 
Miss孔指住我書包果隻羊駝公仔「扔左佢!!!學校唔俾學生書包上掛飾物」
 
「扔…扔左佢?」
 
「立即!!!」
 
當我拆隻公仔落黎果陣，我嘅眼淚同時滴出黎…點算好…呢隻公仔係佢唯一送俾我嘅野…如果我要讀呢間學校，就要立即扔左佢，我考慮左一陣
 




「做咩?唔捨得?」
 
「Miss孔，如果我唔扔，係咪就唔可以係到讀書?」
 
「係!!!!」
 
當我聽到之後，我就改為伸手去除我校章
 
其他師姐見到咁樣，就衝過黎阻止我
 
「小妹妹妳傻左咩!!!為左隻公仔而想放棄呢到嘅學位!!」
 
「冷靜d啦!!!」
 
「師姐….隻公仔…係我一個好朋友送俾我，我可能唔可以再見佢架啦…..如果要我扔左呢隻公仔，我寧願去第二到讀書啦」




 
「Miss孔….可唔可以俾呢位妹妹…」
 
「林雪凝!!!妳唔讀呢到，仲有邊到可以去?」
 
「我去逸怡姐姐到……我去聖嘉勒」
 
Miss孔聽到怡姐姐個名之後，就叫班師姐散開
 
「妳識程逸怡?」
 
「係….我仲識佢地個契妹…張詩敏」
 
「呢隻公仔係邊個送俾妳? 程逸怡定張詩敏?」
 




「係….係程逸風送俾我…」
 
「程逸風….妳識程逸怡，仲知道邊個張詩敏…好…我唔洗妳扔左隻公仔，不過唔可以扣係書包上邊!!!」
 
「係……」
 
「妳地班大師姐帶呢個妹妹返上課室!!!佢係F.1D班!!」
 
「知…知道…」
 
當班師姐送我上去果陣，佢地無不驚嘆