打機射喪屍係會報應㗎…(改咗名): 老鼠唔恐怖，前提係佢唔食人！

血漬嘅位置有一條播出嚟嘅血痕， 而拖出血痕嘅竟然係一條經過啃咬嘅屍體！
「吱吱吱吱吱吱吱！吱吱吱吱吱吱吱！」
老鼠對我哋發出尖銳嘅咆哮，並向我吔嗰撲過嚟！
「跑哇，庭哥！」啊康即刻跑出惠康，好明顯知道我吔打唔過呢班鼠形猛獸。
我吔跑到街口，老鼠不停追趕，我吔都開始冇氣。不過一諗到嗰條屍嘅下場，點敢停喎！
「吼吼吼吼吼吼吼！吼吼吼吼吼吼吼！」
突然，我吔面前殺出兩隻無眼怪物，我估應該係老鼠尖銳嘅吼叫聲吸引到依賴聽覺嘅無眼怪物。
「我吔今次真係玩完喇！」啊康用無力嘅聲線話。
「吼吼吼吼吼！」
不過超好彩，兩隻無眼怪物直接行過，然後同三隻老鼠搏殺！




「吼吼吼！！」
「吱吱！！」
兩種猛獸互相廝咬，到最後有隻老鼠倒卧喺街頭。剩低嘅兩隻老鼠亦向恵康嘅逃走。
兩隻無眼怪物開始享用佢吔嘅獵物。幾分鐘後，老鼠嘅屍骸就得返少少肉渣同埋骨骼。
「唉！終於走…」啊康正想由我吔匿埋的垃圾箱爬返出嚟。
「咪走住！」我捉住啊康制止咗佢，無眼怪物聽覺遠遠超出我吔估計。謹慎啲好啲。
「吼吼────」
突然，一團半透明的黏液狀絲線喺一座半崩塌嘅樓宇射出包裹住一隻無眼怪物。而另一隻無眼怪物完全冇打算解救佢嘅同伴，即刻好飛起咁跑走。
而被包住嘅無眼怪物某啲野扯上樓頂，過咗一段時間後，有兩個物體一齊跌落街。
我吔觀察四周，冇發現任何危險野。就行埋去睇下到底發生咗咩事。




我發現原來係無眼怪物嘅屍體同另一隻人形怪物嘅屍體。
嗰隻人形怪物身形矮小，有好嚴重嘅駝背。身上嘅深灰色大褸損毀得好犀利。有一條細長嘅尾巴，末端帶有黑色短刺。雙腳係好似夾公仔機嗰啲夾嘅四指爪。而佢最突出嘅係佢個鼻，個鼻好長，而啲包裹住無眼怪物嘅黏液狀絲線正正源自佢個鼻孔。
「我見過呢種變異體。佢吔會企喺高處，然後放出絲線形鼻涕，一有獵物觸碰到，就會立即抽起，去到佢面前即刻用尾刺刺傷獵物，最後等待獵物毒死之後享用。」啊康話
「哇！你知道咁多野嘅？」
「呃…我試過， 差啲被佢毒死呀…」
我吔慢慢行返去間荒廢旅行社，淨係過咗幾個鐘，隻孔雀應該未爛掛？
我哋行返入去，救命呀！搞完一大輪野，點解仲有人嚟搶食㗎！