打機射喪屍係會報應㗎…(改咗名): 大佬，你有手…呃……有「翼」有腳，唔好同我吔呢啲細路搶食得唔得呀？

又有另一隻人形生物出現喺我吔面前，佢對手已經替換成一對蝙蝠膜翼。腳亦都變成鋒利嘅手指。身上完全冇毛髮，包括頭髮。身體都好乾廋。身上仲著住曾經係白裇衫同西褲嘅爛碎布。而且，雖然佢有對類似龍翼嘅膜翼，不過佢用禽鳥嘅姿態爬喺地面嚼食孔雀怪嘅屍體。
「嘎嘎嘎！嘎嘎嘎！」
有翼怪突然意識到我哋發現咗佢，佢即刻爬出門口，然後拍翼飛走。就好似見到啲好恐怖嘅野獸。
果然係雀。
我行近屍體，有翼怪只係食咗個頭同頸，好彩隻脾冇事。(雞最好食嘅係雞髀，孔雀都應該係掛？)
「唉！ 唔記得收埋佢先， 引咗隻咁嘅嘢返嚟，好彩大部分都冇嘢！」
啊康又檢查一次。
之後，我吔用爪將佢剝皮(好彩冇毛)，簡單處理咗之後就用啊康帶返嚟嘅鹽醃。「搞掂！哇，天光喇喎。」我望向門口發現天已經光曬。
啊康入辨公室攞咗個背囊出嚟，然後將啲肉乾放入去，「庭哥，我哋跟著去邊？」
「呃………」以前我都唔知啦，更何況依家？




「我哋…依家……呃…」正當我諗緊點答嘅時候，啊康問咗一句。
「你話咩話？宜家？」
「係喎！去IKEA ！」啱啱見到惠康隔離有間lKEA，應該有床有傢私㗎過！留都留得舒服啲啦！
「啊康，有冇去過IKEA？」我問。
「我有聽過，好似係個好大嘅地方?」
「今次去嗰邊。」
「有冇嘢食㗎？」
「唔知，可能冇。不過有床瞓。」
「呃…咁好啦！」