我同啊康行出旅行社,講真啲梳化真係好硬好難瞓得著。不過,唉!算啦!
我哋一邊行一邊食半條醃製孔雀怪觸鬚當bunch,冇辦法啦!糧食唔多,唯有一餐當兩餐啦!
「庭哥,我吔嘅糧食好似唔係好夠,使唔使喺去到IKEA之前搵多啲獵物?」啊康問。
「係喎!呃…不過…喺邊度有?」我又問返佢。
「呃……………」
「唉!算啦!我哋慢慢揾啦!」
一講曹操,曹操就到,我哋見到一群五、六隻…牛?
嗰班…牛形動物個頭類似美洲野牛,全身者披滿棕色嘅皮毛。背脊亦都有同時美洲野牛一樣嘅隆肉。身高大約有一米多少少。不過身體外形同尾巴就好似…暴龍? 冇錯,應該係㗎喇。而雙腳係一對牛蹄,而唔係睇落好危險嘅龍爪。佢哋正彎腰埋頭食緊牆角嘅青苔同野草。
「有獵物喇!」啊康壓低把聲, 費事嚇走曬佢吔。
「cro!cro!cro!」




一隻野豬怪突然撲咗出嚟,與其話佢似野豬,佢更似野豬嘅祖先完齒獸。背脊有個鱷龜殼。頭部有兩對匕首咁嘅撩牙,而最誇張嘅係佢個嘴,竟然係分成五瓣!
野豬怪跑向嗰群牛形動物,佢吔即刻跑到冇雷公咁遠。不過有隻跑得特別慢,好快就俾野豬怪捉到。
唉!真係慘!好彩一早匿埋咗,如果唔係死嘅應該係我吔。
「咔咔咔咔醃咔咔咔咔咔咔咔!」
突然有種詭異嘅怪聲傳出,野豬怪嘅表現好慌張,然後即刻跑走。
「到底…發生咩事?」啊康問。
「唔知道呀,不過好消息係我吔有牛食!」我答。
我哋喺啲廢墟度攞咗啲可以燒嘅垃圾出嚟,用打火機燒著佢。最後放個架喺火堆上面就可以燒得喇!
em…牛形動物嘅肉有啲似牛同鷄嘅混合,不過肉質有啲太老。唉!雖然已經放咗鹽,不過仲係好淡呀!
唉!算啦!我哋醃好其他剩低嘅肉,之後出發!
已有 0 人追稿