打機射喪屍係會報應㗎…(改咗名): 《變異體圖鑑》
呢個chapter嘅作用係記錄低出現過嘅變異體嘅正式名稱、特徵、進化路線同埋出現時間地點、前名稱或者代表人物，做個備忘錄。隨著劇情發展會不停更新呢個chapter。同埋有個setting怕講唔清楚，主角同啊康嘅二次變異亦可以理解成「進化」，就好似pokemon，原理其實同人體成長差唔多，同樣需要能量。可以有分支，亦有可能唔進化。
單指怪:(主角)由人變異成嘅變異體，係最common嘅人類變異體，進化亦係最廣、最多可能性。同時可以保留高智商嘅機率都係最大
雙指怪:(主角)由單指怪進化而成，爪可以伸縮。
盲聶人:(無眼怪物)由蝙蝠變異成嘅變異體。眼睛完全退化，耳朵變得更靈敏。會以30~40隻為一群，行一夫一妻制，群體由多個家庭以及一個首領(盲巨人)，獵食只會自給自足，唔會分享除咗俾配偶同幼崽嘅同伴。因為只依靠聽覺，所以只要冇聲就好容易解決。 亦因為聽覺太過靈敏， 過於強大嘅聲響亦都係弱點。一部份個體可以用退化咗嘅翼膜進行短距離滑翔，不過冇可能進行長時間飛行。
盲巨人:(無眼怪物之中更大嘅怪物)由盲聶人進化而成，一群盲聶人大多數可能都只會有一對配偶， 不過係極少可能嘅情況之下都會有複數嘅存在(例如超過100隻嘅群體)。由於身體過重同埋翼膜進一步退化，所以連短距離滑翔過做唔到。一隻雄性盲巨人會挑選一個單身嘅雌性盲聶人作為配偶，而成為盲巨人配偶嘅盲聶人就會進化成盲巨人，而佢產下嘅幼崽會係盲聶人，只有一隻繼承群體首領嘅幼崽先至可以進化成盲巨人。
白猴:(馬騮)由馬騮變異成嘅變異體，生有利爪。由於較為弱小，所以有一次十幾隻行動，以及由一隻吼音猴。喺啲較特殊情況之下(有大型獵物或者危險嘅威脅性生物)，會由多隻吼音猴(通常數量為6~7隻)帶領數量更多嘅白猴行動。只要唔好有過於誇張或過大嘅動作，就唔會引起白猴嘅攻擊性。同盲聶人唔同，同伴關係極為親密，幾乎所有食物都會一齊分享，連幼崽都係一齊照顧。
吼音猴:(大馬騮)由白猴進化而成，可以通過咆哮從口中發射「氣流砲彈」。不過由於「氣流彈」唔夠強大到足以致命。所以依然保留咗白猴嘅利爪作為輔助攻擊或者補刀。
龍吼猴:(馬騮怪)由吼音猴進化而成，因為「氣流彈」已經發展成熟，可以對敵人造成巨大甚至致命嘅傷害，所以手掌由危險嘅利爪演變成靈活嘅手指。全身嘅白色皮毛轉變成橄欖綠色嘅爬蟲類鱗片，有更好嘅防禦性。背脊到尾巴都生有5~10cm嘅軟刺，並無防護作用，會喺發情期嘅時候變成鮮紅色吸引異性。有個有關龍吼猴嘅謠言係「將少量肉食送俾龍吼猴以表示好，龍吼猴以及其手下嘅白猴同埋吼音猴就唔會搞你。」雖然係可行嘅，不過龍吼猴性情較為暴躁。可能喺你示好之前，佢已經將你當成敵人殺死，所以一般並唔建議咁做。
蟑螂計:(啊康)由曱甴變異成嘅變異體。少數由非人類變異而成嘅絕對高智商變異體。大多數嘅蟑螂計脾氣特別好、說話較為有禮貌而性格亦都特別温和。而且對食物嘅定義好廣，唔太在意味道、品質等等嘅嘢，只要夠飽肚都會接受。
紅頭雀:(孔雀怪)由孔雀變異成嘅變異體，身後嘅觸鬚同頭足目相似，相當靈敏甚至可以用嚟勒死敵人。所有已發現個體都係雄性，所以懷疑雌性孔雀會變異成未發現嘅變異體。雖然有強大嘅攻擊手段，不過係腐食性動物，會依靠同樣强大嘅嗅覺尋找屍體。
暴鼠: (惠康入面嘅老鼠)由老鼠變異成嘅變異體。極其危險嘅生物，以20~30隻一群。會佔領一個地方作為領地，甚少會出嚟狩獵。不過由於暴鼠霸佔嘅地方絕大部份都係食物資源非常豐富嘅5區域(例如超市、街市以及糧倉)，所以對於需要食物嘅流浪者同埋附近嘅倖存區嚟講係一個幾大嘅麻煩。 如果有複數個體，會偏好攻擊聲音較大嘅個體如果唔小心誤闖暴鼠嘅領地，最佳嘅應對方法就係馬上用最快速度逃走。鼠群大多數情況下都會只派2~3隻暴鼠捕捉，負責捕捉嘅暴鼠好快就會因為離開領地太遠而放棄追捕。
釣鼻獸:(企喺樓頂嘅人形生物) 由人變異成嘅變異體(駝背嘅人變異機率更大)。釣鼻獸會企喺樓宇咁嘅高處，然後好似釣魚放出絲線形鼻涕。一但有獵物接觸到鼻涕，就會馬上收起，然後用帶有神經毒素嘅尾刺刺向獵物，當獵物死亡後就完成整個狩獵過程。為咗防止俾力氣比較大嘅獵物扯落嚟，腳變異成鉤爪狀用嚟抓住地面，不過釣鼻獸唔識分辨獵物嘅大小，所以有好大機會遇到過大獵物而跌落地面死亡。雖然釣鼻獸平均只有0.7m，不過有發現超過1m以上嘅大型個體。大型個體嘅鼻涕並唔係絲線形，而係蛛網形，似乎係用於捕捉更大嘅獵物。不幸纏上釣鼻獸嘅鼻涕無論如何都一定唔可以俾佢釣上去，釣鼻獸尾刺毒液嘅毒性極強，一但被刺傷就一定立即game over。
翼魔:(有翼嘅人形生物)由人變異成嘅變異體。以蟲類或小型生物為，不過亦都會食屍體。雙手變異成類似蝙蝠咁嘅膜翼，而腳就變得靈巧，好似手指咁樣。生性膽小，冇太大威脅，隨便嚇一嚇佢趕走就可以。有趣嘅係，根據翼魔身上殘留嘅衣物以及對高智商個體進行嘅調查。翼魔有9成都係由從事文職嘅上班族變異而成。
野草龍:(牛形動物)由牛變異成嘅變異體。以5~10隻為一群。個性温馴，唯一嘅攻擊手段就係衝擊。以野草為食。肉質較為差劣，不過因為比較耐跑，可以進行長距離步行， 所以有部份倖存區會將佢馴養為坐騎。
野苔龍:(牛形動物)其實同野草龍係同一種變異體。不過以青苔為食，身體較為肥胖，皮毛較為短且少。同野草龍啱啱相反，肉質極佳。被部份倖存區飼養作食用家畜，甚至有啲地區將野苔龍嘅品質分為M1~M5(moss)五個級別，以M5為最高级，最優秀。
完齒龜:(野豬怪)由野豬變異成嘅變異體。係獨行嘅獵食者，背脊上嘅龜殼作用未知。由於有喺暗處撲出來嘅習性，所以一直俾某啲倖存者誤以為完齒龜有隱身甚至瞬間移動嘅能力。因為完齒龜行動幾乎係完全冇聲嘅，所以喺盲聶人嘅天敵。