打機射喪屍係會報應㗎…(改咗名): 咦？IKEA有座地下城？！

我哋行落二樓，發現一隻巨大嘅變異體！不過好彩，佢瞓緊覺。
呢隻變異體簡直係熊同肉蟲嘅混合體。身形似熊，皮膚好似肉蟲咁白而且有密集嘅皺紋。身體兩側仲有兩排深灰嘅班點。背脊有十幾根長短不一嘅硬刺。四肢就直情係一條肥肥白白嘅肉蟲。手掌、腳掌包住一啲深啡色嘅昆蟲硬殼。頸上面嘅頭部則是一個有住同樣硬殼嘅蟲頭，仲有一對大顎。
一如就叫做「蠕熊」啦！
我快速畫低咗蠕熊嘅樣貌，雖然畫低佢瞓著覺嘅樣唔好睇，不過冇理由癡線到整醒佢嚟畫低㗎！畢竟睇佢咁嘅身影，一巴打死我吔咁算呀？
「冰！」
大獲！我唔小心踢倒個架，上面啲玻璃盒跌爛曬！
「咔嘶！咔嘶！咔嘶！咔嘶！」
蠕熊俾玻璃聲嘈醒咗，正發出憤怒嘅咔嘶聲衝過嚟！
我哋一邊後退一邊向佢扔雜物，最終啊康用枝長鐵枝插向蠕熊！
「唉！好彩……」我隨便揾咗一個架坐一坐「唔該曬你呀！啊康。」




我吔發現原來已經跑到去瑞典美食廊，不過啲食物一樣已經被人搶曬。
「咦？庭哥，嗰邊咩嚟㗎？」啊康指住出口位置問。
「咦？出口位變咗樣嘅？」原本出口位上去嗰條樓梯唔見咗，反而變咗一個炸開咗嘅大窿。
我哋行入去個大窿，發現除咗泥土之外就係樹根。嘜嘢都冇。
我哋越行越入，突然聽到有一把聲講:「企喺度！」
一望，發現有4、5個攞著武器嘅蟲人！
佢全身都有泥紅色嘅外骨骼。頭部似螞蟻。有人類嘅身軀。手臂有三節。腰以下嘅身體就好似半人馬咁，只不過換成四隻腳嘅螞蟻。
佢吔立即跑過嚟長矛同刀棍(更準確嚟講係一碌挷住刀片嘅短竹竿)指向我！
「有個人類呀！」
「卑賤嘅種族，disgusting！」




好明顯喺螞蟻人眼中人類係一個如豬如狗嘅種族，大大獲喇今次！
「請問呢隻人類係唔係你嘅奴隸？」一個騎住一隻蠕熊嘅螞蟻人轉頭望向啊康問。係，冇錯。佢騎住一隻蠕熊！
「咔嘶！」蠕熊背脊上嘅刺立起，並憤怒嘶吼
「呃，係，冇錯。佢的確係我嘅奴隸。唔該，請你吔放開佢。」啊康回答，如果唔咁答。恐怕我吔兩個都凶多吉少！
「啊狻，乖。無事，係朋友。」嗰個螞蟻人好温柔咁撫摸住佢身下嘅蠕熊。「您好，我嘅曱甴朋友。我叫義蠬䮓， 請饒恕我剛才嘅無禮。 請問你叫咩名？」
「呃…我叫麥康。」啊康回答。
「好嘅，麥先生。」佢轉頭望向佢嘅部下，「仲唔快啲好好召侍我吔嘅賓客！」
「係！隊長！」跟著佢哋用條繩挷住我對，然後將繩頭交俾啊康。「 請跟我哋過嚟喇！麥先生。」
「呃……好啦…」跟住啊康就好似拖狗咁拖著我，「對唔住呀！」佢用口形同我講。
唉！死得喇今舖！